0 °C, 0 °C ... 0 °C Վաղը`0 °C
Թբիլիսիում խորհրդարանի շենքի մոտ բողոքի ցույցի մասնակիցները քարեր են նետում ՆԳՆ հատուկ ջոկատայինների ուղղությամբ։ Այս մասին հայտնում է ՏԱՍՍ-ի թղթակիցը։ Ցուցարարները քարեր են նետում հատուկջոկատայինների ուղղությամբ, որոնք կանգնել են խորհրդարանի ճակատային սյուների ետևում գտնվող իրավապահների ուղղությամբ՝ դրանով իսկ կանխելով շենքի ապակիների վնասումը։ Հատուկջոկատայինները պատասխանում են պղպեղ գազով: Մի քանի հազար մարդ խորհրդարանի դիմաց դուրս է եկել Ռուսթավելի պողոտա՝ պահանջելով կառավարության հրաժարականը և կրկնակի խորհրդարանական ընտրություններ նշանակել։ Ցուցարարների թիվը զգալիորեն պակաս է նախորդ օրերի համեմատ։ Վրաստանում նոյեմբերի 28-ին սկսվել է հակակառավարական ցույցերի հերթական ալիքը։ Բողոքի պատճառը Վրաստանի վարչապետ Իրակլի Կոբախիձեի հայտարարությունն էր։ Նա ասել է, որ իշխող «Վրացական երազանք-Ժողովրդավարական Վրաստան» կուսակցությունը որոշել է մինչև 2028 թվականի վերջ օրակարգ չներառել Եվրոմիությանն անդամակցելու շուրջ բանակցությունների հարցը և հրաժարվել համայնքի բոլոր բյուջետային դրամաշնորհներից։ Կառավարության ղեկավարի խոսքերով` որոշման պատճառները ԵՄ-ի մշտական շանտաժներն են՝ դրան անդամակցելու շուրջ երկխոսություն սկսելու վերաբերյալ, խորհրդարանի կողմից ընդունված մի շարք օրենքներ չեղյալ հայտարարելու պահանջները և վրացական իշխանությունների դեմ պատժամիջոցներ կիրառելու կոչերը։ |
Բաժանորդագրվել լրահոսին
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am