«Բացասական եմ վերաբերվում: Ես չեմ կարծում, որ ճիշտ էր վարչապետի խնդրանքը մերժելը»,- անդրադառնալով Հովիկ Աղազարյանի՝ մանդատը վայր չդնելու հայտարարությանը, ասաց ԱԺ նախագահ Ալեն Սիմոնյանը։ Նա նաև հայտնեց, որ իր կողմից սպառնալիքներ չեն եղել և չի համարում, որ Աղազարյանը ճնշված է․ «Եթե ես որևէ մեկին սպառնում եմ, դա անում եմ տեսախցիկների առաջ։ Մեր հանդիպումը եղել է անկեղծ, խոսել ենք բաց, թեյ ենք խմել, ջերմ զրուցել»,- ասաց Սիմոնյանը։
Լրագրողի հարցին, թե Հովիկ Աղազարյանին խմբակցությունից հեռացնելու հարց կարո՞ղ է բարձրացվել, Ալեն Սիմոնյանը պատասխանեց. «Եթե պարոն Աղազարյանը իրեն թիմից դուրս է դնում, իսկ դա թիմից դուրս դնել է, որովհետև այն իրավիճակը, որը կա, կիսում են մեր թիմակիցների 90%-ը, ես կարծում եմ, որ ինքը այդ թիմի հետ այլևս իմաստ չունի շարունակելու»,- ասաց Սիմոնյանը։