«Ռոբերտ Քոչարյանը ժողովրդավար է բառակապացությունը նոնսենս է»,- ի պատասխան հարցին, թե Ռոբերտ Քոչարյանը ավելի՞ ժողովրդավար էր, որ Գեղամ Նազարյանից չպահանջեց վայր դնել մանդատը, ասաց ԱԺ նախագահ Ալեն Սիմոնյանը։

Հիշեցնենք, որ «Հայաստան» խմբակցության պատգամավոր Գեղամ Նազարյանը հեռացվել է խմբակցությունից, սական, նրա խոսքով, Ռոբերտ Քոչարյանն իրեն առաջինն է ասել, որ մանդատը վայր չդնի։ Իսկ ՔՊ-ական Հովիկ Աղազարյանին վարչապետը խնդրել էր վայր դնել մանդատը։
«Ես վստահ եմ, որ անգամ եթե խնդրեին, պարոն Նազարյանը չէր դնի մանդատը։ Այդ գիտակցումը եղել է, դրա համար այդ լուծմանը գնացին»,- ասաց Ալեն Սիմոնյանը՝ կարծիք հայտնելով, որ Դաշնակցությունը փորձում է խմբակցությունում իշխանություն վերցնել․ «Կամաց-կամաց, այն մարդկանց, ովքեր դաշնակցական չեն, դուրս են մղում «Հայաստան» խմբակցությունից։ Կարելի է մտածել, թե իրենցից ոչ ոք ինձ հետ գործուղման չի եկել, իմ հետ հաց չի կերել, իմ հետ չի նկարվել»,- ասաց Ալեն Սիմոնյանը՝ տալով մի շարք ընդդիմադիր պատգամավորների անուններ, այդ թվում Աղվան Վարդանյանի, Սեյրան Օհանյանի, ովքեր իրեն դիմել են պատվիրակություններում ներգրավվելու համար։