«Նիկոլ Փաշինյանը պնդեց, որ աշխարհը մեզ ընկալում է որպես ազգ-նահատակ։ Ցավոք սրտի աշխարհը մեզ ընկալում է Նիկոլ Փաշինյանով»,- ԱԺ հայտարարությունների ժամին ասաց «Պատիվ ունեմ» խմբակցության պատգամավոր Հայկ Մամիջանյանը․ «Դրանով են պայմանավորված Բելառուսի նախագահի երկու հայտարարությունները, դրանով է պայմանավորված, որ աշխարհի շատ երկրներում մարդիկ իրար մեջ ասում են, որ հայ ազգը համակերպվել է ցավալի պարտության հետ։ Իսկ Ադրբեջանի և Թուրքիայի ղեկավարները դա ասում են հրապարակային։ Նույն երկրների ղեկավարները հրապարակային ծաղրում են Նիկոլ Փաշինյանին։ Այ այդպես է աշխարհը մեզ ընկալում։ Ես ազգ-նահատակի զավակ չեմ, ես հայ եմ, հայ, որը իրեն մի քանի անգամ գերազանցող հակառակորդին հաղթել է պատերազմի դաշտում, իսկ հետո հակառակորդի հետ խոսել է՝ «կամ կրակում ենք, կամ բանակցում են, մենք երկուսին էլ պատրաստ ենք» սկզբունքով»,- ասաց Մամիջանյանը՝ նշելով, որ եթե Փաշինյանը շարունակի ներկայանալ որպես ՀՀ վարչապետ, այն օր օրի փոքրանալու է։