0 °C, 0 °C ... 0 °C Վաղը`0 °C
Քաղաքական մեկնաբան Հակոբ Բադալյանի ֆեյսբուքյան գրառումը․ «Դե, եթե մի երկրում տնտեսության խոշոր հարկատուների առաջին շարքերում հայտնվի հեռախոսի վաճառքով զբաղվող ընկերությունը, բնականան է, որ ներքաղաքական առաջին շարքերում էլ պետք է հայտնվի հեռախոսի պատմությունը: Եթե լուրջ, ապա Հայաստանում այսօր հայտարարվում է, որ բյուջեի դեֆիցիտը ծածկելու համար ավելացվում է արտաքին պարտքը՝ բյուջեի դեֆիցիտ ծածկելու համար: Եվ դա մի երկրում, որտեղ, օրինակ, բանկային համակարգը վերջին երկու տարիներին՝ 2022 և 2023, համախառն ստացել է մեկ միլիարդ դոլար շահույթ, ընթացիկ տարում էլ գուցե կստանա մոտ կես միլիարդ դոլար շահույթ կամ մի քիչ պակաս: Ռուսաստանի հետ կապված վերաարտահանումների շրջանառությունը հասնում է ռեկորդային ծավալների, տասնյակ միլիարդներ: Տնտեսության վիճակագրությունը «աչք է շոյում»: Բայց, պարզվում է, որ բյուջեի դեֆիցիտը ծածկելու համար, այն էլ բնականաբար մեղմ ասած ոչ ամբողջությամբ, մենք վերցնում ենք արտաքին պարտք: Թվում է, որ այս հարցերը պետք է այսօր պարզապես թույլ չտային, որ ուրիշ որևէ թեմա սողոսկեր լրահոս, որովհետև տնտեսության որակը ամեն ինչից վեր է, տնտեսության որակն է պետության անվտանգության հիմքը՝ բոլոր առումներով: Իսկ պատկերը վկայում է այն մասին, որ չկա ոչ միայն որակ, այլև գործ ունենք նույնիսկ անորակ փուչիկի հետ, որ շարունակում է փչվել: Բայց մեզ նստեցրել են ներիշխանական «թրիլլերի» օդապարիկն ու բարձրացնում են վեր, վեր, միայն թե չերևա, թե ինչ է կատարվում գետնի վրա»: |
Բաժանորդագրվել լրահոսին
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am