Քաղաքագետ Արա Պողոսյանի ֆեյսբուքյան գրառումը. «Գիտե՞ք ինչու Հայաստանում ոչ մի ձև չի կայանում կուսակցական համակարգը։
Ուրեմն ամեն ամբիցիաներ ունեցող կուսակցական, ում ամբիցիաները կուսակցության ներսում չի բավարարվում, անունը դնում է «գաղափարական տարաձայնություն» և, դուրս գալով իր կուսակցությունից, ստեղծում է նոր ու անբովանդակ կուսակցություն (ինչպես ցույց է տվել տարիների փորձը, եթե չհաշվենք եզակի դեպքեր, երբ բաժանումը որոշակի բովանդակություն է բերել) և սկսում են նոր ուժով աղավաղել քաղաքականության էությունը Հայաստանում։
Այնինչ պետք է այս մարդկանց հարցնել. «եղբա՜յր, եթե դու քո կուսակցության մեջ չես կարողացել ազդեցություն ստեղծել, և սեփական ամբիցիաներդ բավարարելու համար նոր կուսակցություն ես հիմնում, էլ ինչպե՞ս պետք է ազդեցություն ստեղծես ամբողջ երկրում»:
Ամեն նոր կուսակցության ծնունդը գործնականում կուսակցական համակարգի այլասերման մասին է խոսում։ Վերջին տարիներին Հայաստանում չի ստեղծվել գեթ մեկ կուսակցություն, որը ունենա խորը բովանդակություն, տարբերվող տեսիլք երկրի քաղաքական, կուսակցական, տնտեսական, արտաքին, ներքին քաղաքականության մասին»: