Բնապահպան Լևոն Գալստյանը ֆեյսբուքյան իր էջում գրել է. «Հայկական լեռնաշխարհում հզոր երկրաշարժեր միշտ եղել են և լինելու են։ Հարցը նրանում է, թե մենք որպես հանրություն և պետություն որքանո՞վ ենք պատրաստ դիմակայել դրանց։ Օրինակ Երևանի անվերահսկելի կառուցապատումը բարձրահարկերով ևս մի անգամ ապացուցում է, որ մենք դասեր չենք քաղել 1988թ-ի դեկտեմբերի 7-ի երկրաշարժից։
Շատերն այսօր չեն պատկերացնում 36 տարի առաջ կատարվածի աղետալի ծավալները, բայց ովքեր տեսել են՝ ողջ կյանքում չեն մոռանա այդ դժոխքը։
Հանգստություն տասնյակ հազարավոր զոհերի հոգիներին և համբերություն և ողջամտություն ապրողներին։ Եվ, իհարկե, առաջին հերթին ողջամտություն որոշում կայացնողներին»։