Իրանի Իսլամական Հանրապետության արտաքին գործերի նախարար Աբբաս Արաղչին հայտնել է Սիրիայի նոր իշխանությունների հետ փոխգործակցության հիմնական պայմանները. «Դամասկոսի նոր իշխանությունների հետ մեր փոխգործակցությունը կախված կլինի Իրանի և Սիրիայի շիաների հանդեպ նրանց վարքագծից ու քաղաքականությունից, ինչպես նաև նրանից, թե որքանով հեռու կմնան Իսրայելից»,- ասել է դիվանագետը:
«Հեշտ չէ տարբեր խմբավորումներին ստիպել համաձայնության գալ Սիրիայի ապագա կառավարության շուրջ, բայց մենք աջակցում ենք այս գործընթացին, քանի որ ցանկանում ենք, որ սիրիացի ժողովրդի կամքը հաղթի»,- նշել է նա։