Մոսկվայի մարզի Պուշկինսկի քաղաքային շրջանի Լեսնոյ գյուղի արդյունաբերական գոտում գտնվող հրավառ նյութերի պահեստում պայթյուն է տեղի ունեցել. փլատակներից դուրս են բերվել երկու մահացածների մարմիններ:
Պայթյունը տեղի է ունեցել դեկտեմբերի 9-ին, 15:46-ին, պայթյունի հետևանքով հրդեհ է բռնկվել, փլուզվել են շենքի պատերն ու առաստաղները։ Ականատեսները փրկարարներին ասել են, որ շենքում կարող է լինել 3 մարդ։ Մինչ երեկո ԱԻՆ աշխատակիցները փլատակներից դուրս են բերել 2 զոհերի՝ կնոջ և տղամարդու դիերը, ինչպես նաև մարել բաց կրակը։

Քննչական կոմիտեն քրեական գործ է հարուցել վտանգավոր արտադրամասերում արտադրական անվտանգության պահանջները խախտելու դեպքի առթիվ։