«Համահայկական ճակատ» շարժման առաջնորդ Արշակ Կարապետյանի ֆեյսբուքյան գրառումը. «Անդրադառնամ, այսպես կոչված, Զանգեզուրի միջանցքի հարցին։ Այսօրվա աշխարհում, իհարկե, հնարավոր է ամեն ինչ, նույնիսկ ամենաանհավանականը: Երբ Ադրբեջանը կհասնի Թուրքիայի սահմանին, այն կվերանա որպես պետություն։ Հայաստանը կարևոր թափարգել է, որը հարկավոր է Ադրբեջանին Թուրքիայի ազդեցությունը սահմանափակելու համար։ Հիշեք, որ ղարաբաղյան պատերազմից հետո ադրբեջանական յուրաքանչյուր պատուհանից կախված էր թուրքական դրոշը։ Թուրքական դրոշը, որն Ադրբեջանի նախագահն այսօր տեսնում է իր պատուհանից, վաղը կարող է ծածանվել իր տանիքի վերևում։ Թուրքերը չեն ընդունում, որ կարող են լինել Ադրբեջան, Ղազախստան և այլ թյուրքական պետություններ։ Թուրքերը չեն թաքցնում, որ երազում են պանթյուրքիստական ​​նախագծի մասին։ Նրանք ցանկանում են լուծել համաշխարհային հարցերը, բայց այդ իրավունքը նրանց չի ընձեռվելու»: