«Ալյանս» կուսակցության ղեկավար Տիգրան Ուրիխանյանը յութուբյան իր ալիքում տեսանյութ էր հրապարակել՝ «Որտե՞ղ են հանդիպել Նիկոլն ու Սերժ Սարգսյանը։ Ինչո՞ւ։ Ե՞րբ կավարտվի խաղը» վերտառությամբ։ Նա մի լուսանկար էր ցուցադրել, որտեղ, նրա ներկայացմամբ, աշխատանքային սեղանի շուրջ նստած են Սերժ Սարգսյանն ու արդեն վարչապետ Նիկոլ Փաշինյանը․ «6 ամիս այս մարդիկ իրար կողքի են ապրել։ 6 ամիս այս մարդիկ ձեռ առնելով, իրար մերժելով կոորդինացրել են էն ամենը, ինչը պետք է ցեմենտեր համբալի իշխանությունը, որպեսզի նա տանի դեպի պատերազմ, որպեսզի տանի դեպի Արցախի հանձնում, ադբեջանցուն մտցնի Հայաստանի սահման․․․»,- տեսանյութում ասում է Ուրիխանյանը՝ նշելով․ «Սերժը բերեց Նիկոլին։ Կա երկու տարբերակ․ կամ Սերժը բերեց Նիկոլին ու սխալվեց, կամ Սերժը սպասում էր, որ այսպիսի հետևանքներ կլինեն»։

Լուսանկարի պատմությանը ֆեյսբուքյան գրառմամբ արձագանքել է ՀՀԿ երիտասարդական կազմակերպության նախագահ Հենրիխ Դանիելյանը․ «Հայաստանից թռած մի երևույթ կա՝ Տիգրան Ուրիխանյան անունով, ով ասում է՝ ինչու ՀՀԿ երիտասարդական թևը չի արձագանքում իրեն, երբ նա խոսում է նախագահ Սերժ Սարգսյանի կամ ՀՀԿ-ի մասին: Ես էլի չեմ արձագանքի նրան, որովհետև ՀՀԿ-ն դասալիքներին, խաբեբաներին, ուտող ուրացողներին և առհասարակ նրա նմաններին չի արձագանքում: Դրա համար ես ուղղակի կխոսեմ Տիգրանի մարդկային որակների մասին:
Տիգրանը երեկ ֆոտոշոփով սարքել էր մի նկար և տեղադրել իր յութուբյան ալիքում: Այդ նկարի մեջ իրականում ՀՀ նախագահ Սերժ Սարգսյանն է և ՌԴ նախագահ Վլադիմիր Պուտինը: Տիգրանը մոռացել է, որ ՊՆ-ի դարպասների մոտ հերթ էր կանգնում, որպեսզի ՀՀ ՊՆ այն ժամանակվա նախարար Սերժ Սարգսյանից խնդրի նրա աչքերի բուժման մասով օժանդակություն, որ չկուրանա: Եվ այդ օգնությունը ստանալուց հետո նա այսպես է շնորհակալ լինում՝ էժանագին ֆոտոշոփով փորձում է խաբել մեր քաղաքացիներին: Տիգրանի հետ չեն շփվում ոչ նրա կոլեգաները, ոչ ընկերները, քանի որ նա միշտ փայլել է տմարդու բոլոր արժանիքներով և բարոյականությունից դուրս լուծել խնդիրները: Տիգրանն հայտնի է որպես տմարդ, ով իր ընկերների հետ հեռախոսազրույցները ձայնագրում է և հետո շանտաժ անում:
Տիգրան, մի՛ պատմիր մեր մասին ստեր, թե չէ ստիպված կլինենք պատմել քո մասին ճշմարտությունը:
Պատմեմ բազում պատմություններից մի պատմություն. Տիգրանը նմանատիպ քայլեր միշտ էլ արել է: Մի ժամանակ, երբ լինելով պատգամավոր՝ նման մանիպուլյացիա էր արել մի գյուղապետի հետ կապված, նրա մասին մի մարդ, ում Տիգրանն այդ ժամանակ «շեֆ» էր ասում, բոլորի ներկայությամբ ասաց. «Տիգրան, դու ***ի տղա ես»: Սա շատ հակիրճ ներկայացնում է նրա ով լինելը, որպեսզի դուք, սիրելի հայրենակիցներ, իմանաք, թե ինչու մենք չենք արձագանքում սրան: Ու չհավատաք նրա ստերին:
Հ.Գ. Ստորև տեղադրել եմ Սարգսյան-Պուտին հանդիպման նկարը, որը Տիգրանը փնթի ֆոտոշոփ էր արել»: