Փաստաբան Արսեն Բաբայանի գրառումը․ «Հովհաննես Ավետիսյանի մեքենան վերադարձնելու պահանջով միջնորդությունս քննիչի կողմից մերժվել էր:
Մերժման որոշումը բողոքարկել էի հսկող դատախազին:
Մինչև հսկող դատախազը բողոքիս վերաբերյալ որոշում կընդուներ՝ քննիչը զանգեց ու խնդրեց, որ գնանք ավտոմեքենան վերցնենք։
Հավանաբար հույսները դրել են այն բանի վրա, որ կասեն ավտոմեքենան վերադարձրել ենք ու բողոքը չեն բավարարի: Սակայն դա բոլորովին չի բավարարում մեր ակնկալիքները: Մենք պնդում ենք, որ իրավունքի խախտումը պետք է ճանաչվի ու խախտված իրավունքը պետք է վերականգնվի...»։