0 °C, 0 °C ... 0 °C Վաղը`0 °C
Մի քանի արաբական երկրներ Բաշար ալ-Ասադի վարչակարգի տապալումից հետո Սիրիայում իշխանությունը խաղաղ փոխանցելու կոչ են արել: «Բոլոր քաղաքական և հասարակական ուժերը պետք է ներկայացված լինեն այս գործընթացում»,- ասվում է Բահրեյնի, Եգիպտոսի, Հորդանանի, Իրաքի, Կատարի, Լիբանանի, Արաբական Միացյալ Էմիրությունների և Սաուդյան Արաբիայի արտաքին գործերի նախարարների հայտարարության մեջ: Այն հրապարակվել է շաբաթ օրը՝ դեկտեմբերի 14-ին, Հորդանանի Ակաբա քաղաքում Սիրիայում տիրող իրավիճակի շուրջ քննարկման ավարտին: Արտաքին գործերի` թվով ութ նախարարները նաև կոչ են արել, որ Սիրիայում քաղաքական գործընթացներն ընթանան ՄԱԿ-ի և Արաբական լիգայի վերահսկողության ներքո և համաձայն ՄԱԿ-ի Անվտանգության խորհրդի` 2015թ. հռչակագրի: Հայտարարության տեքստում կոչ է արվել զերծ մնալ ցանկացած էթնիկ կամ կրոնական խտրականությունից: Սիրիայում բոլոր մարդկանց համար արդարության և հավասարության կոչեր անելով՝ արաբ նախարարները հանդես են եկել պետական հաստատությունների պահպանման օգտին, որպեսզի երկիրը «քաոսի մեջ չընկնի»: Բացի արաբական ութ երկրների արտգործնախարարներից, Աքաբայում խորհրդակցություններին մասնակցել են ԱՄՆ պետքարտուղար Անտոնի Բլինքենը, Թուրքիայի արտգործնախարար Հաքան Ֆիդանը, ԵՄ արտաքին գործերի գերագույն ներկայացուցիչ Քաջա Կալլասը և Սիրիայի հարցով ՄԱԿ-ի հատուկ բանագնաց Գեյր Փեդերսենը։ |
Բաժանորդագրվել լրահոսին
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am