Լուսանկարիչ Գերման Ավագյանը լուսանկարել է բոլոր այն ազատամարտիկների երեխաներին, ովքեր ծնվել են հայրերի մահվանից հետո. 36 հերոս, 36 հերոսի զավակ: Միտքն առաջացել է Արցախյան պատերազմի ավարտից հետո: Նկարչի համար սկզբունքային է եղել երեխաներին հասուն տարիքում նկարելը: «Ես սպասել եմ երեխաները մի քիչ մեծանան... Նայում ես նկարները` նմանությունը շատ է»: Լուսանկարների շարքն առաջին անգամ ներկայացվել է 2012 թվականին` «Շուշի արտ» նախագծի շրջանակում, այնուհետև ցուցադրվել է Փարիզում: Ապրիլյան քառօրյա պատերազմում հերոսացած տղաներից մի քանիսի զավակներն էլ ծնվել են հայրերի մահվանից հետո: Միգուցե տարիներ անց Գերման Ավագյանի ֆոտոխցիկը հայտնվի նաև նրանց տանը: |