Մ.թ.ա. 480 թվականի սեպտեմբերին Թերմոպիլեսի կիրճում պարսկական բազմահազար բանակին հերոսաբար դիմակայել ու զոհվել են 300 արիասիրտ սպարտացի հույներ: Հանուն հայրենիքի անկոտրում ինքնզոհողության ոգեշնչողն ու դիմադրության կազմակերպիչը եղել է Սպարտայի քաջասիրտ թագավորը՝ Լեոնիդասը, որը նույնպես զոհվել է հիշյալ ճակատամարտում: Ավելի ուշ Լեոնիդասի մասունքները տեղափոխվել են Սպարտա և ամփոփվել մի հոյակերտ դամբարանում: 300 սպարտացիների և Լեոնիդասի հիշատակն հավերժացնող տապանաքարին հետագայում գրվել է.

«Անցո´րդ, գնա´ ու Սպարտային ասա´, որ մենք այստեղ ընկանք՝ հնազանդ իր հրամաններին»: