Սովորիր լսել և կարող ես օգուտ քաղել նույնիսկ նրանից, ով վատ է խոսում:
Պլուտարքոս

Երբեք մի վստահեք այն ենթականերին, ովքեր ղեկավարության մոտ չեն գտնում ոչ մի արատ:
Ռ.Քոլինզ

Կան պահեր, երբ ամեն ինչ ստացվում է: Մի վախեցեք, դա կանցնի:
Ժ.Ռենար

Մի վախեցեք ձեր վրա հարձակվող թշնամիներից: Վախեցեք բարեկամներից, որոնք քծնում են ձեզ:
Գեներալ Օբրեգոն

Խելացի մարդը ելք կգտնի ցանկացած բարդ իրադրությունից: Իմաստունն այդ դրության մեջ չի հայտնվի:
Յու. Ռիխտեր

Մեծ ես թե փոքր, խելացի ես թե հիմար՝ չգիտենք մենք, մինչև չասես դու մի բառ:
Սաադի

Մի երաժիշտ, երբ 20 տարեկան էր, առանց տատանվելու բացականչում էր. «Միայն ես»: 25 տարեկանում արդեն արտահայտվում էր ավելի զուսպ. «Ես և… Մոցարտը»: Երեսունում դարձավ շրջահայաց. «Մոցարտը և… ես»: Եվ միայն հասունության հետ վստահություն ձեռք բերեց. «Միայն Մոցարտը»:
Այլաբանություն

Երջանկությունն այն չէ, որ միշտ անես այն, ինչ ուզում ես, այլ այն, որ միշտ ուզես այն, ինչ անում ես:
Լև Տոլստոյ

Ամենագլխավորը աչքերով չես տեսնի, միայն սիրտն է սրատես:
Անտուան դը Սենտ Էքզյուպերի

Քարեր նետում են միայն պտղատու ծառերին…
Հնադարյան իմաստություն

Ընկերները գալիս են ու գնում, իսկ թշնամիները կուտակվում են:
Ջոունզի պատգամը

Երբ մարդը քեզ գովում է, մտածում ես. «Ահա թե ինչպիսին եմ ես», իսկ երբ նույն մարդը քեզ փնովում է, մտածում ես. «Ահա թե ինչպիսին է նա»:
Կ.Մելիխան

Առանց թշնամիների իմ կյանքը կլիներ շատ տխուր, ինչպես դժոխքում:
Ռիչարդ Նիքսոն, ԱՄՆ նախագահ

Անցյալի վրա մի կրակիր ատրճանակով, քանզի ապագան կկրակի քեզ վրա թնթանոթից:
Այլաբանություն

Ընդունակներին նախանձում են, տաղանդավորներին խանգարում, իսկ հանճարներից վրեժ են լուծում:
Ն.Պագանինի

Համբերությունը ողջ կյանքի հարստությունն է:
Ճապոնական իմաստություն

Օ Լյուցիլիոս: Ինչո՞ւ ես զարմանում, որ ճանապարհորդությունները քեզ չօգնեցին: Չէ՞ որ դու ամենուր քեզ հետ տանում էիր ինքդ քեզ:
Սենեկա կրտսեր

Խոսեք մարդու հետ իր մասին, և նա ձեզ կլսի ժամերով:
Բենջամին Դիզրաելի

Մենք մեր հանդեպ պետք է կայացնենք միայն մեկ դատավճիռ՝ մենք չար ենք, չար էինք և չար կլինենք:
Սենեկա կրտսեր

Դիպլոմը թույլատրում է սխալվել ավելի վստահորեն:
Անտոն Լիգով

Մենք այստեղ ենք, որպեսզի մեր ավանդն ունենանք այս աշխարհում: Հակառակ դեպքում մենք այստեղ ի՞նչ ենք անում:
Սթիվ Ջոբս

Վերջ ի վերջո ամեն մարդու տրված է միայն մեկ կյանք. այդ դեպքում ինչո՞ւ այն չապրել ինչպես հարկն է:
Ջեկ Լոնդոն

Եթե մարդ սկսում է հետաքրքրվել կյանքի իմաստով կամ դրա արժեքով, նշանակում է նա… հիվանդ է:
Զիգմունդ Ֆրեյդ

Ապրում ես միայն մեկ անգամ:
Գյոթե

Մարդու իսկական կոչումը ապրելն է, այլ ոչ թե գոյություն պահելը:
Ջեկ Լոնդոն

Միայն նա է արժանի կյանքի և ազատության, ով ամեն օր նրանց համար գնում է մարտի:
Գյոթե

Զարմանալի է կառուցված մարդը. նա սգում է, երբ կորցնում է հարստությունը և անտարբեր է, երբ անվերադարձ անցնում են իր կյանքի օրերը:
Աբուլ Ֆարաջ

Կարողանալ հաճույք ստանալ ապրած կյանքից՝ նշանակում է ապրել երկու անգամ:
Մարցիալ

Կյանքի նպատակը պետք է լինի երջանկությունը, այլապես կրակը չի վառվի բավականաչափ պայծառ, շարժող ուժը չի լինի բավականաչափ հզոր, և հաջողությունը չի լինի լրիվ:
Թեոդոր Դրայզեր

Մարդու կյանքը կարելի է բնութագրել մի քանի ձայնարկություններով՝ բա-բա, ախ-օխ, ֆու, թյու…
Ջորջ Բայրոն

Ես կարծում եմ, որ միշտ էլ արժե փրկել մարդկային կյանքը, ինչպիսի մարդ էլ որ լինի:
Բեռնարդ Շոու

Կյանքը պայքար է:
Եվրիպիդոս

Կյանքն այնպես սատանայորեն է կառուցված, որ չկարողանալով ատել, հնարավոր չէ անկեղծորեն սիրել:
Մաքսիմ Գորկի

Կյանքն ընթանում է. ով չի հասցնում նրա հետևից, մնում է միայնակ:
Մաքսիմ Գորկի

Քարոզ պետք է լինի մեր կյանքը, այլ ոչ թե խոսքերը:
Թոմաս Ջեֆերսոն

Ով չի գնահատում կյանքը, արժանի չէ նրան:
Լեոնարդո դա Վինչի

Կյանքը լեռ է՝ բարձրանում ես կամաց-կամաց, իջնում ես միանգամից:
Գի դե Մոպասան

Ինչ է մարդկային կյանքը: Սկզբի մեկ երրորդը՝ լավ ժամանակ է, մնացածը՝ դրա մասին հիշողություններ:
Մարկ Տվեն