USD 402.56, EUR 440.64, RUB 4.58, GBP 505.01
+17 °C, +15 °C ... +26 °C Վաղը`+26 °C
+17 °C, +15 °C ... +26 °C Վաղը`+26 °C
Վարդան Բախշյանի հիշատակին
16:38, 03.03.2017
4932 | 0
Փետրվարի 23-ին Երևանի Խրիմյան Հայրիկի անվան հ.10 հիմնական դպրոցի դահլիճում կայացավ միջոցառում՝ նվիրված դպրոցի պատմության ուսուցիչ, 1988 թ-ից սկսված Արցախյան շարժման ակտիվ մասնակից, հայ ուսանողական դաշինքի հիմնադիր անդամ, ԵՊՀ պատմության ֆակուլտետի ասպիրանտ - ազատամարտիկ Վարդան Բախշյանին նվիրված հուշ - ցերեկույթ, որին մասնակցում էին Վարդան Բախշյանի քույրը՝ Աննա Բախշյանը, Վարդան Բախշյանի ընկեր, ՀՀ ԿԳ նախարարի խորհրդական Բագրատ Եսայանը, Վարդան Բախշյանի համակուրսեցի Սալբին, ՀՀ ԿԱԻ-ից՝ հայոց լեզվի և գրականության մասնագետ, հ.10 դպրոցի նախկին ուսուցչուհի Գայանե Մկրտչյանը, պատմության մասնագետ Հասմիկ Մարգարյանը, առաջատար մասնագետ Գոհար Մանուկյանը, ՀՀ վաստակավոր արտիստուհի Գայանե Ներսիսյանը, ջազային և էստրադային քոլեջի դասախոս Արմեն Մուշեղյանը: Միջոցառման կազմակերպիչն էր դպրոցի քիմիայի ուսուցչուհի Լ.Նազարյանը: Բոլոր մասնակիցների, Վարդանին ճանաչող մարդկանց պատմած հուշերում ամբողջացավ մի անսահման հայրենասեր, արժանապատիվ, ազնիվ, ընկերասեր և արդարամիտ, նախաձեռնող մարդու կերպար, ում ամենամեծ ու ամենանվիրական երազանքը Արցախի ազատագրումն էր: Վարդանը հայրենիքի կանչով թողեց մտավորականի խաղաղ գործը և մեկնեց Արցախ, ստեղծեց ջոկատներ, հայթայթեց զենք, այն հասցրեց և միացավ հայոց հողի համար պայքարող, Արցախ աշխարհի սահմանագիծը արյամբ գծող նվիրյալներին: Մասնակցել է Բերդաձորի ինքնապաշտպանությանը, հերոսաբար զոհվել Հասանաբադ գյուղի մատույցներում՝ վիրավոր ընկերոջը փրկելիս: |
Մամուլի խոսնակ` Խրիմյան Հայրիկի անվան N10 հիմնական դպրոց
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Խրիմյան Հայրիկի անվան N10 հիմնական դպրոց
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: