Մայիսի 31-ին Սևոստոպոլում կայացած ՛՛Ոսկե ասպետ՛՛ կինոհարթակի շրջանակներում ԵԹԿՊԻ ուսանողուհի, Ռուբեն Գրիգորյանի արվեստանոցի սան Լիլիթ Պետրոսյանը ստացավ ՛՛Բրոնզե ասպետ՛՛ մրցանակը իր կուրսային աշխատանքի համար ։ Ֆիլմը կոչվում է ՛՛Երաշտ ՛՛։

Այս ֆիլմը պատմում է 70 ամյա Լավրենտ պապի մասին, ով ամեն կերպ փորձում է փրկել ընտանիքը կործանումից ՝ աշխատում է անասնագոմում, որպեսզի պահի հարբեցող տղային եվ նրա 3 երեխաներին: Նրանց ընտանիքի կործանման պատճառը անբարոյական հարսն է..․
Երիտասարդ ռեժիսորը բարձրացրել է ցավոտ հարց կապված մեր ընտանիքների հետ ։ Խնդիրը ավելի ցավոտ է դառնում երբ հասկանում ենք, որ այն գյուղում է կատարվում ։ Քաղաքում արդեն չենք զարմանում նման ճակատագրերից, սակայն խնդիրն արդեն հասել է հայկական գյուղեր։

Հեղինակի խոսքով ՝ ամենա ոգևորող փաստը եղել է այն, որ 2017 թ.ին այնտեղ մրցանակ է ստացել ազգությամբ սերբ Էմիր Կուստուրիցան, ով իր համար ունի իր յուրովի ոճը ումից կարելի է մշտապես սովորել: Այս տարի խաղարկային ֆիլմերի անվանակարգում «ոսկե ասպետ» մրցանակ ստացավ Մել Գիպսոնը:
-Ինձ համար տպավորիչ էր նաև այն փաստը, երբ բարձրացա բեմ փառատոնի նախագահ Նիկոլայ Բուռլյաևը հայերեն լեզվով ասաց` «բարև Ձեզ» , - պատմում է Լիլիթը։

-Ես ցանկացել եմ բարձրացնել այն խնդիրը, որ հիմա կործանվում են ընտանիքներ` կլինի դա Հայաստանում թե մեկ այլ երկրում, խնդիրները միշտ նույնն են: Ժյուրին նաև շատ էր հավանել օպերատորական աշխատանքը, որը ըստ նրանց համահունչ էր ֆիլմի ընդհանուր մթնոլորտին: Ֆիլմի օպերատորը Անի Սարգսյանն է:
Առաջիկայում ֆիլմը կցուցադրվի նաև Հայաստանում և կշարունակի ներկայացնել Հայաստանը աշխարհի տարբեր միջազգային փառատոններում: