USD 402.56, EUR 440.64, RUB 4.58, GBP 505.01
+25 °C, +13 °C ... +25 °C Վաղը`+24 °C
+25 °C, +13 °C ... +25 °C Վաղը`+24 °C
Վ. Սարգսյանի անվան ռազմական համալսարանն ինստիտուցիոնալ հավատարմագրում է անցնում
13:10, 11.06.2018
3196 | 0
ՀՀ ՊՆ Վ. Սարգսյանի անվան ռազմական համալսարանն ինստիտուցիոնալ հավատարմագրում է անցնում: Հունիսի 11-14-ը Մասնագիտական կրթության որակի ապահովման ազգային կենտրոնի (ՈԱԱԿ) փորձագիտական խումբն արտաքին գնահատում կիրականացնի ռազմական համալսարանում: Քառօրյա այցի ընթացքում փորձագետները հանդիպումներ կունենան բուհի ղեկավարության, համալսարանի գործունեությունը համակարգող ՊՆ համապատասխան վարչությունների, ֆակուլտետների և ամբիոնների պետերի, պրոֆեսորադասախոսական կազմի, ինքնավերլուծություն իրականացրած խմբի, ինչպես նաև շրջանավարտների, սերժանտների, կուրսանտների, ունկնդիրների ներկայացուցիչների հետ: Փորձագետները կուսումնասիրեն նաև փաստաթղթերը, կիրականացնեն ռեսուրսների դիտարկում: Փորձագիտական խմբի ղեկավարն է ՀՊՏՀ Կառավարման ամբիոնի դասախոս, տնտեսագիտության թեկնածու Տիգրան Մնացականյանը: Խմբի մյուս անդամներն են Լեհաստանի ռազմածովային ակադեմիայի Հրամանատարության և ծովային գործողությունների ֆակուլտետի փոխդեկան Բարտոլոմեյ Պաչեկը, «Իմպրովիզ» ՍՊԸ գիտական խորհրդատու, Ա.Խանփերյանցի անվ. ավիացիոն համալսարանի նախկին ավագ դասախոս, տեխ.գիտ.թեկնածու Արամ Բաղիյանը, Հյուսիսային համալսարանի Տնտեսագիտության և կառավարման ամբիոնի դասախոս, տնտեսագիտության թեկնածու Մարգարիտա Պողոսյանը և Ռուս-հայկական համալսարանի Մաթեմատիկայի և բարձր տեխնոլոգիաների ինստիտուտի ուսանող Միքայել Խաչատուրյանը: Գործընթացը համակարգում է ՈԱԱԿ Ինստիտուցիոնալ և ծրագրային հավատարմագրման բաժնի մասնագետ Լիլիթ Պիպոյանը: Փորձագիտական խումբը համալսարան այցից հետո զեկույց կկազմի՝ մատնանշելով բուհի ուժեղ և թույլ կողմերը, ինչպես նաև բարելավման ուղղությամբ խորհրդատվություն կմատուցի: Համալսարանը, հիմնվելով փորձագիտական զեկույցի և խորհրդատվության վրա՝ թերությունների վերացման ծրագիր կկազմի: ՈԱԱԿ հավատարմագրման հանձնաժողովը հավատարմագրման մասին որոշում կկայացնի՝ հիմնվելով փորձագիտական զեկույցի և բուհի բարելավման ծրագրի վրա: |
Մամուլի խոսնակ` Մասնագիտական կրթության որակի ապահովման ազգային կենտրոն
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Մասնագիտական կրթության որակի ապահովման ազգային կենտրոն
11:54, 30.11.2023
382 | 0
16:01, 07.09.2023
807 | 0
10:18, 16.12.2020
3595 | 0
14:05, 30.11.2020
3009 | 0
13:25, 24.11.2020
2447 | 0
13:13, 02.11.2020
2392 | 0
15:48, 24.06.2020
3426 | 0
10:51, 17.12.2019
2979 | 0
12:18, 23.04.2024 - Համլետ Մելիքյան
108 | 0
11:26, 23.04.2024 - mamulnewsconnect
82 | 0
10:42, 23.04.2024 - mamulnewsconnect
66 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: