Երևանի քաղաքապետարանի «Երևանյան ամառ 2018» եռամսյա միջոցառումների ծրագրի շրջանակում Թումանյանի այգու «Թումո» ստեղծարար տեխնոլոգիաների կենտրոնի հարակից հատվածում կազմակերպվել է ընտանեկան մարզամշակութային «YereFUN» փառատոնը: Այն արդեն 2-րդ տարին անընդմեջ կազմակերպվում է Երևանի քաղաքապետարան-մասնավոր հատված համագործակցությամբ: Փառատոնն առանձնանում է իր ընտանեկան ուղղվածությամբ: Մրցույթները կազմակերպվել են հետևյալ ձևաչափերով՝ մրցելույթներ ամբողջ ընտանիքի, առանձին՝ ծնողների և առանձին՝ երեխաների համար: Ընտանիքները առաջնայնության համար պայքարել են քվեստներում, մարզական, ջրային խաղերում, էստաֆետներում և այլ մրցաձևերում: |