ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+16 °C, +5 °C ... +16 °C Վաղը`+20 °C
«Այցելիր Երևան-2800» խորագրով ֆոտոցուցահանդես՝ Գլենդելում
14:38, 13.07.2018
5729 | 0

Երևանի քաղաքապետարանի տուրիզմի բաժնի նախաձեռնությամբ մայրաքաղաքի հիմնադրման 2800-ամյակին նվիրված միջոցառումների շրջանակում, հուլիսի 13-23-ը, ԱՄՆ Կալիֆորնիա նահանգի Գլենդել քաղաքի կենտրոնական գրադարանի և արվեստի կենտրոնում կգործի «Այցելիր Երևան-2800» խորագրով մայրաքաղաքի թեմատիկ լուսանկարների ցուցահանդեսը:

Շուրջ 50 լուսանկարից բաղկացած ցուցահանդեսը ներկայացնում 19-րդ դարի վերջերի և 20-րդ դարասկզբի, ինչպես նաև խորհրդային և ժամանակակից Երևանը: Նախորդ դարերի մի շարք լուսանկարներ, որոնք պահվում են Երևանի պատմության թանգարանում, արտատպվել են հատուկ ցուցահանդեսի համար:
Երևանի հիմնադրման 2800-ամյակին նվիրված ցուցահանդեսներ են կազմակերպվում նաև աշխարհի տարբեր այլ երկրների հայկական համայնքներում, ՀՀ մարզերում և Արցախում: Դրանցից էր նաև «Երևանը՝ երեք հանրապետությունների մայրաքաղաք» խորագրով ֆոտոցուցահանդեսը, որը վերջերս բացվել է Արագածոտնի մարզի Աշտարակ քաղաքում:

«Երևան 2800» հիմնական տոնական միջոցառումներն այս տարի կանցկացվեն սեպտեմբերի 29-30-ին: Հետևեք տոնական միջոցառումներին ու դրանց մասին տեղեկատվություն ստացեք Yerevan2800.am -ից:

Հեղինակ` Yerevan info
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Yerevan info
դեպի վեր