«Երևանյան ամառ 2018» եռամսյա միջոցառումների ծրագրով STR ավտոսիրողների ակումբը Երևանի քաղաքապետարանի հետ համատեղ «Հրազդան» մարզադաշտի հարակից տարածքում կազմակերպել է «Երևան դրիֆթինգ» խորագրով ավտո-մոտո շոու: Այն անցկացվում է արդեն 3-րդ տարին անընդմեջ և այս տարի նվիրված էր Երևանի հիմնադրման 2800-ամյակին: Միջոցառմանը մասնակցել են ավելի քան 30 արհեստավարժ և սիրողական վարորդներ, ովքեր բաժանվել են երկու խմբի՝ մինչև 2լ շարժիչով և 2լ և ավելի շարժիչով մեքենաներ: Միջոցառումը կազմված է եղել երկու մասից՝ ձևավոր վարում և դրիֆթինգ: |