Սեպտեմբերի 15-ին ՙՄաքուր մոլորակ՚ նախագծի շրջանակներում հանրապետության մի շարք դպրոցներում հայտարարվեց շաբաթօրյակ: Նախագծի նպատակն էր համախմբված ուժերով մաքուր պահել շրջակա միջավայրը: Քաղաք Էջմիածնի Արտիմետ գյուղի միջնակարգ դպրոցը նույնպես մասնակցեց այս միջոցառմանը: Դպրոցի աշակերտները, ուսուցիչները և ողջ աշխատակազմը վաղ առավոտից մեծ ոգևորությամբ և համախմբված մաքրում էին դպրոցի գույքը, տարածքը և շրջակա միջավայրը: Յուրաքանչյուր աշակերտ մեծ ուշադրությամբ և պատասխանատվությամբ էր կատարում տնօրենի և ուսուցիչների կողմից տրված հանձնարարությունները: Նշենք նաև, որն շաբաթօրյակին մասնակցում էին Արտիմետի բնակիչները, ովքեր մեծ սիրով իրենց պատրաստակամությունը հայտնեցին երեխաներին օգնելու: Սա հրաշալի նախագիծ է, որը համախմբել էր երեխաներին, ուսուցիչներին և առհասարակ բոլորին մեծ ու կարևոր գործի համար: Հիշեցնենք, որ ամեն տարի հանրապետության դպրոցներում իրականացվում է շաբաթօրյակ, որին աշակերտների մասնակցությունը խիստ պարտադիր է: |