Սեպտեմբերի 24-ին Ալավերդիում տեղի ունեցավ Հովհաննես Թումանյանի ծննդյան 150-ամյակին նվիրված «Թատերական Լոռի» 24-րդ միջազգային թատերական փառատոնի բացուման հանդիսավոր արարողությունը: Բացման արարողությունը տեղի ունեցավ Դսեղում` պոետի տուն-թանգարանի բակում, այնուհետև Սանահինի պատմական կամրջի հարևանությամբ շարունակվեց բացման գեղարվեստական մասը: Երաժշտական, պարային կատարումներով ելույթ ունեցանՎանաձորի կամերային երգչխումբը, Ալավերդու Լազուր ժող. գործիքների համույթը, Ստեփանավանի Անդրանիկ Մարգարյանի անվան մշակույթի պալատի պարային խումբը, Ալավերդու պարի թատրոնը, Ալավերդու դհոլարների համույթը: Փառատոնային ջահը վառ պահողների սերն ու նվիրումն անտեսանելիորեն բորբոքեց և բոցավառեց թատերական կրակը Թումանյանական աշխարհում: |