Բյուրեղավանի մարզադպրոցի սան, #Սամբոյի Եվրոպայի պատանիների, աղջիկների, երիտասարդների առաջնության բրոնզե մեդալակիր #Մելինե Մամիկոնյանն օրերս մասնակցեց ձյուդոյի 2018 թվականի Հայաստանի Հանրապետության մեծահասակների առաջնությանը: Առաջնությունը կայացավ Երևանի «Դինամո» ՄՀԿ մարզադահլիճում: Բյուրեղավան համայնքը ներկայացնում էր մարզադպրոցի երկու մարզիկ՝ Մելինե Մամիկոնյանը՝ 48կգ, մարզիչ՝ Արփինե Հովհաննիսյան և Արևիկ Դանիելյանը՝ 52կգ, մարզիչ՝ Վարդան Նալբանդյան: Մելինե Մամիկոնյանը մրցաշարում գրանցեց հաջողություն և կանգնեց պատվո պատվանդանի առաջին հարթակին: Ցավոք, Արևիկ Դանիելյանը հաջողություն չարձանագրեց: Առաջնությանը մասնակցել են 93 ձյուդոիստ-ձյուդոիստուհիներ՝ Կոտայքի, Արարատի, Շիրակի, Լոռու մարզերից, Երևանից և Արցախից:
|