ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +13 °C ... +27 °C Վաղը`+28 °C
Նիդերլանդներում նշվեց ՀՄԸՄ հիմնադրման 100-ամյակը
13:26, 26.11.2018
1953 | 0

«Նիդերլանդներում նշվեց ՀՄԸՄ հիմնադրման 100-ամյակը» .


Նոյեմբերի 24-ին Նիդերլանդներում ՀՀ դեսպան Տիգրան Բալայանը այցելեց Ալմելո քաղաք, ուր ներկա գտնվեց Հայ մարմնակրթական ընդհանուր միության հիմնադրման 100-ամյակին նվիրված հանդիսությանը և դրան նվիրված մարզական մրցումներին։
Ալմելոյում կայացած հանդիսությանը մասնակցում էին Ալմելոյի, Ամստերդամի, Ալքմարի, Առնհեմի, հայ համայնքային կազմակերպությունների ներկայացուցիչները, Նիդերլանդների Հայ բարեգործական ընդհանուր միության, «Կիլիկիա», «Նոր Կյանք», «Երևան» միությունների մարզական խմբերը։
Արարողությունը տեերունական աղոթքով բացեց Ալմելոյի Սուրբ հոգի եկեղեցու հոգևոր հովիվ Տեր Մաշտոց քահանա Բարսեղյանը, ապա ներկաներին ողջունեց ՀՄԸՄ Նիդերլանդների կառույցի ատենապետ Մինաս Արսենյանը։
Ելույթ ունենալով հանդիսությանը դեսպան Բալայանը շնորհավորեց ներկաներին ՀՄԸՄ մեկդարյա հոբելյանի կապակցությամբ՝ նշելով, որ աշխարհով մեկ սփռված համահայկական կառույցը հաջողել է ի կատար ածել Հոմենթմենի կարգախոսը և իրակացնել իր հիմնադիր հայրերի երազանքը՝ այն է պահպանել հայկական ոգին և այդ արժեքներով կրթել ու դաստիարակել հայ երիտասարդների բազմաթիվ սերունդներ։ ՀՀ դեսպանը հաջողություն մաղթեց սկաուտական շարժմանը, և վերահաստատեց դեսպանության աջակցությունը ՀՄԸՄ նախաձեռնություններին։
Հանդիսության շրջանակներում տեղի ունեցավ նոր սկաուտների երդման արարողություն և 100-ամյակին նվիրված հանդիսավոր քայլերթ։


Մամուլի խոսնակ` Նիդերլանդական Օրագիր
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Նիդերլանդական Օրագիր
14:58, 02.04.2024
300 | 0
00:09, 09.03.2024
850 | 0
դեպի վեր