Խորհրդարանական ընտրություններից հետո թվով 20 թեկնածու ինքնաբացարկ են ներկայացրել ԿԸՀ-ին: Այս մասին այսօրվա արտահերթ նիստում հայտարարեց հանձնաժողովի քարտուղար Արմեն Սմբատյանը՝ հավելելով, որ մանդատից հրաժարված թեկնածուներից 18-ը Իմ քայլը դաշինքից են, 2-ը Լուսավոր Հայաստան կուսակցությունից: ԲՀԿ-ից մանդատից հրաժարվողներ չկան: Մանդատից հրաժարվելու մասին բոլոր դիմումները նոտարական կարգով հաստատված են: Լուսավոր Հայաստան կուսակցությունից մանդատից հրաժարվել են Քրիստ Մարուքյանն ու Արմեն Բաղդասարյանը: |