Ֆրանսիայում բողոքի ակցիայի 9-րդ համազգային օրվա ընթացքում ձերբակալվել է շուրջ 240 մարդ: Այս մասին հաղորդում է "TASS" - ը:
Փարիզի ոստիկանության պրեֆեկտուրայի գնահատականներով, ամբողջ երկրում բողոքի ակցիաներին մասնակցել է 84 հազար մարդ: 240 մարդ ձերբակալվել է, նրանցից 200-ը կալանավորվել են: Փարիզում 156 ձերբակալվածներից կալանավորվել է 74 մարդ։
Բողոքի ակցիաները տեղի են ունեցել Փարիզում, Մարսելում, Ստրասբուրգում, Լիոնում, Լիլում, Թուլուզում եւ Բորդոյում: Նշվում է, որ մի շարք քաղաքներում ցուցարարների եւ ոստիկանության միջեւ բախումներ են եղել:
Ֆրանսիայում խռովությունները սկսվեցին հոկտեմբերի կեսերից: Բնակչության դժգոհությունները սկսվեցին այն ժամանակ, երբ շրջանառվեցին լուրեր բենզինի հարկի աճի մասին։
Դեկտեմբերի 4-ին Ֆրանսիայի վարչապետ Էդուարդ Ֆիլիպը հայտարարեց, որ սակագների բարձրացման հարցը կսառեցվի, սակայն անկարգությունները շարունակվեցին: Ավելի ուշ սկսվեցին ցուցարարների զանգվածային ձերբակալություններ։ Դեկտեմբերի 10-ին Էմանուել Մակրոնը արտակարգ դրություն մտցրեց և հայտարարեց տնտեսական միջոցառումների մասին։