ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+13 °C, +3 °C ... +13 °C Վաղը`+16 °C
Կոչ եմ անում չխեղաթյուրել իրականությունը
14:38, 17.01.2019
6509 | 0

Դեռևս 2019թ. նոր ենք մուտք գործել, բայց կարծես քաղաքական զարգացումներն ու նախորդ տարվանից հասարակության կողմից որդեգրված «ճանապարհ փակելու» վարքագիծը մնում է արդիական։
Հունվարի 12-ին մի խումբ քաղաքացիներ փակել էին Երևան-Էջմիածին մայրուղին։ Ակցիայի մասնակիցները պահանջում էին, որպեսզի Մանվել Գրիգորյանը կրկին կալանավորվի։ Իրավիճակն հանդարտացնելու և ճանապարհը բացելու նպատակով, բողոքի ակցիայի վայր է գնում ՔՊ պատգամավոր Հայկ Սարգսյանը, որին ուղեկցում էր իր ընկերը՝ ռուսաստանաբնակ հայ գործարար Ռուստամ Ստեփանյանը։ Մանվել Գրիգորյանի կալանավորման պահանջի անհաջող փորձը չմարսած կազմակերպիչները կարծես զրպարտանքով են սկսել զբաղվել։ Երևան-Էջմիածին մայրուղու բացմանը նպաստած պատգամավոր Հայկ Սարգսյանի քայլը զայրույթ է առաջացրել մյուս թևի մոտ։ Մի քանի լրատվամիջոցների ոչ պրոֆեսիոնալ աշխատանքի պատճառով կամ գուցե «չափից շատ պրոֆեսիոնալիզմի շնորհիվ» այսօր հասարակության մեջ լայն քննարկումներ են գնում նորընտիր իշխանության և հեղինակությունների սերտ կապի վերաբերյալ։


Քննարկումները չեն դադարում Հայկ Սարգսյանին ուղեկցող՝ Ռուստամ Ստեփանյանի անձի շուրջ։ Ըստ լուրերի՝ Ռ.Ստեփանայանը 2016 թվականին ՌԴ իշխանությունների կողմից մեղադրվում էր սպանություն և մարդու առևանգում իրականացնելու մեջ։ Նույն թվականին ՀՀ ոստիկանությունը Հայաստանի տարածքում հայտնաբերել էր նրան և տարածել հաղորդագրություն․ «Ոստիկանության կազմակերպված հանցավորության դեմ պայքարի գլխավոր վարչության ծառայողների ձեռնարկած օպերատիվ-հետախուզական միջոցառումների արդյունքում՝ ապրիլի 13-ին հայտնաբերվել և բերման է ենթարկվել 1988 թ. ծնված Ռուստամ Ստեփանյանը, որը ՌԴ իրավապահների կողմից գտնվում էր միջազգային հետախուզման մեջ անձի առևանգման և սպանության մեղադրանքներով: Այնուհետև 2016-ին կարողացել է խուսափել դատարանի առաջ կանգնելուց և չի արտահանձնվել ՌԴ։ Շրջանառվող լուրերը ճշտելու նպատակով կապ հաստատեցինք Ռուստամ Ստեփանյանի հետ, ով հերքեց և մեղադրեց զրպարտիչներին:

-Պարոն Ստեփանյան, ձեր անձի շուրջ մամուլում շրջանառվող լուրերը ինչպե՞ս կմեկնաբանեիք:

- Հետախուզման մասին տեղեկատվությունը, որը վերցրել էին ՌԴ ՆԳ նախարարության պաշտոնական կայքից, ընդամենը ոչ օպերատիվ աշխատանքի արդյունք է և նախարարության կայքը չի թարացվել: Հայաստանում բերման ենթարկելուց հետո, ես գտնվում էի Նուբարաշեն քրեակատարողական հիմնարկում: Այս ընթացքում ՀՀ գլխավոր դատախազությունը՝ գործի վերաբերյալ փաստարկներն ունենալու և քննելու նպատակով, հայտնում է ՌԴ պատկան մարմիններին իմ անձի գտնվելու վայրի մասին լուրը: Եվ ինչպես ՀՀ օրենքն է թելադրում, քառասուն օր կալանավայրում գտնվելուց հետո, ինձ անմիջապես բաց թողեցին առանց որևիցե խնդրի: Իմ դեմ հարուցած քրեական գործը կառճված է:

Զրույցի վերջում Ռ. Ստեփանյանն անդրադարձավ ընկերոջը՝ Հայկ Սարգսյանին, նշեց, որ շատ լավ է ճանաչում և՜ Հայկին, և՜ նրա ընտանիքին: Ազնիվ, աշխատասեր և քրեական աշխարհից հեռու մարդ է: Նա չէր ցանկանա ունենալ նախորդ իշխանությունների ձեռագիրը և որևիցե լծակ օգտագործեր պատգամավորի մանդատ ստանալու համար:


Հեղինակ` Mamul.am
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Mamul.am
դեպի վեր