ՀՀ մշակույթի նախարարի պարտականությունները կատարող Նազելի Ղարիբյանը հայտարարել է՝ Կոմիտասի և Հովհաննես Թումանյանի 150-ամյակները ներառվել են ՅՈՒՆԵՍԿՕ-ի հոբելյանական իրադարձությունների օրացույցում: Հայաստանի ՅՈՒՆԵՍԿՕ-ի ազգային հանձնաժողովի գլխավոր քարտուղար Վահրամ Կաժոյանի խոսքով՝ յուրաքանչյուր տարի երկրներն ունեն իրավունք ներկայացնելու երկուական հայտ ՅՈՒՆԵՍԿՕ-ի հոբելյանական իրադարձությունների օրացույցում ընգրկելվելու համար: Կոմիտասի 150-ամյակը, սակայն, սկզբում չի ներառվել օրացույցում, քանի որ նա ծնվել է Թուրքիայի տարածքում, և պետք էր նաև թուրքական կողմի դիրքորոշումը, բայց հայկական կողմին, ի վերջո, հաջողվել է հաստատել հայտը: |