ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+11 °C, +3 °C ... +12 °C Վաղը`+16 °C
Հին աշխարհի զորավարներն ու միապետերն ինչպես են քողարկել իրենց ծրագրերը
20:20, 08.02.2019
3805 | 0

Կարթագենի դեմ մղվող Պյունիկյան Երկրորդ պատերազմի ժամանակ Հռոմն Իսպանիա է ուղարկում Մարկուս Պորսիուս Կատոնին (մ.թ.ա. 234 – 149 թթ.) ՝ իբերների ապստամբությունը ճնշելու համար: Կատոնը հաջողությամբ կատարում է առաջադրանքը, բայց համոզված լինելով, որ ապստամբած քաղաքները, երբ իր զորքերն հեռանան, նորից են զենք վերցնելու Հռոմի դեմ, հետևյալ խորամանկությանն է դիմում:


Նա հնազանդեցված քաղաքներից յուրաքանչյուրին առանձին գրավոր կարգադրություն է ուղարկում՝ պահանջելով, որ այդ քաղաքները քանդեն իրենց ամրությունները՝ սպառնալով պատերազմ սկսել, եթե կարգադրությունն անմիջապես չկատարվի: Նա հրամայում է այդ նամակները բոլոր քաղաքներին միևնույն օրը հանձնել: Յուրաքանչյուր քաղաքը մտածում է, թե հրամանը միայն իրեն է վերաբերում ու քանդում է ամրությունները: Եթե տարբեր օրեր ուղարկվեին նամակները, հայտնի կդառնար, որ այդպիսի հրաման տրվել է բոլորին, և այդ դեպքում հնարավոր է, որ նրանք դաշնակցեին ու նորից ապստամբերին:

Այս Կատոնը նաև քաղաքական գործիչ է եղել և մեծ ավանդ է ներդրել Հռոմի հզորացման գործում: Նա պայքարել է պետության հիմքերի խարխլմանն արդեն իսկ սպառնացող շվայտության առաջին դրսևորումների դեմ, արստահայտվել է պետության կենսական հյութերը քամող տզրուկների դեմ:

Նա դառնությամբ գրել է.

«Մասնավոր անձանց թալանած գողերն ամբողջ կյանքը շղթայակապ են ապրում, իսկ պետությունը թալանող գողերը ոսկու և ծիրանի հագուստների մեջ են լողում»:

Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Համլետ Մելիքյան
16:35, 27.03.2024
178 | 0
դեպի վեր