Mamul.am
Загрузка...
Ամբողջական տարբերակ
USD 487.50, EUR 551.07, RUB 7.36, GBP 629.90
+4 °C, -1 °C ... +8 °C Վաղը`+10 °C
Hay / Հայ | Рус | Eng | Tür
Մի նոր Սեր...
16:14, 11.02.2019

Այն ի՞նչ Ձե՜ռք էր, որ

Հորիզոնի կո՜ր, կրքոտ ծոցի մեջ

Սուզված գիշերվա լո՜ւյսը գողացավ,

Ու գիշերը կո՜ւյս թևերով մաքուր

Ինձ գրկում փայփայե՜ց

Ու… մեռավ:


Առավոտն ինչպես

Լաց լինող մի կի՛ն.

Ինձ իր գիրկն առա՜վ, գուրգուրե՜ց,

Հիշո՞ւմ ես այն օրը, երբ մայրամուտին

Ինձ համար կո՛ւրծքդ բացվեց

Լուսեղեն:


Ինձ համար գրված գի՜րս ճակատի՝

Մարմի՜նդ էր, որ մի պա՜հ դողդողաց,

Ու գոհացումը

Ապրած այդ պահից

Փքվե՜ց, ուռճացավ:


Հիշո՞ւմ ես արդյոք.

Որ քո մի բաց դո՜ւռ -

Ստվերիս տարավ հարբելու,

Ու փաթաթվեցի՜ն իրար շատ ամուր

Մոխի՜ր ու ցասում:


Խի՜ղճը չարչարվե՜ց.

Տանջվեց ցնո՜րքը,

Հույսերը իրենց օրոցքում հանգան…

Ու մի նո՜ր,

Մի նո՜ր.

Նոր Սեր արարվեց -

Ասես ծնո՜ւնդ էր նորածին մանկան:


Ու գլորվեց օ՜րը,

Գլորվեց թեթև-

Երկարաոտ երեկոյի քայլվածքով,

Ու մահացա՜վ օրը՝ մահով անհեթեթ

Նվաճվողի պարգևով…


23.08.17 Երևան

Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Ստեփան Ումառ-Հարությունյան
դեպի վեր