Mamul.am
Ամբողջական տարբերակ
USD 476.18, EUR 528.61, RUB 7.41, GBP 592.94
+18 °C, +13 °C ... +25 °C Վաղը`+26 °C
Hay / Հայ | Рус | Eng | Tür
Հայ կինոռեժիսորուհու Նոր Ֆիլմը և Սպասվող Կինոշրջագայությունը
21:44, 11.02.2019

՛՛Ադապտացիա՛՛ վավերագրական ֆիլմի ռեժիսորը՝ Մաննեն, ֆիլմի պրոդյուսեր Արարատ Գրիգորյանի հետ այս տարի վերջապես կներկայացնի ՛՛ Ճայը՛՛ ֆիլմը: Հեղինակը նաև նոր ֆիլմ է պատրաստում Գոշա Շապիտո կրկեսի մասին: Իսկ ՛՛Ադապտացիան՛՛ Մարտի 13-ին, ժամը 19.00-ին կցուցադրվի Նարեկացի արվեստի միությունում, որտեղ նաև ներկա կգտնվի Մաննեն և կպատասխանի հանդիսականների հարցերին:
Նոր ֆիլմերի գաղափարների ի հայտ գալու մասին հեղինակը նշում է.
- Ամեն անգամ, երբ նկարահանում ես նոր ֆիլմ, սկսում ես ապրել հերոսներիդ կյանքով: Ինձ մոտ ամեն ինչ ծայրահեղական տարբեր է: Քաղաքի էժոտաժով ապրող հերոս, ապա տիեզերագնաց, և դրանից հետո ծաղրածու: Իրականում դեռ շատ երկար ճանապարհ ունեմ անցնելու կինոաշխարհում, բայց արդեն հասցրել եմ զգալ այն կտրուկ փոփոխությունը` ֆիլմից ֆիլմ, որ քեզ ստիպում է սիրել այն կյանքը, որով ապրում են հերոսներդ: Խաղարկային ֆիլմում դա այդքան սուր չէ, որքան վավերագրականում կարծում եմ: Կրկեսում ամեն ինչ այլ է: Այս մարդկանց հետ շփվելը ավելի շատ քեզ լցնում է ազատատենչ գաղափարներով ու երևակայությամբ: Ընդհանրապես, կրկեսը շատ կինեմատոգրաֆիկ է: Զարմանալին այն է, որ Նախկինում երբեք չեմ հետաքրքրվել կրկեսով: Երևի կինոն հնարավորություն է տալիս մեզ հայտնվել այնտեղ, որտեղ չես եղել, որտեղ քեզ ինչ-որ բան է սպասվում.հեքիաթային, երազային, տարօրինակ և սարսափելի:
Հեղինակի կարծիքով, նոր ֆիլմը սկսվում է
երբ կա ոգեշնչում, հիացմունք, մոլագարություն: Ինձ մոտ մշտապես երաժշտությունն է բերում պատկերաշար: Ես պատանեկան տարիքից տարվեցի դասական երաժշտությամբ և այսօր հասկանում եմ, որ շատ անհիշելի աղբյուրներ կան իմ մտքում, որոնք մտքեր են ծնում: Դա ի շնորհիվ դասական երաժշտության ձևավորվեց: Մոցարտ, Բախ, Բեթհովեն, Հայդն, Շոպեն..երևի թե պարզ է, որ առաջինը նրանց եմ լսել: Սակայն եկավ մի շրջան երբ բացառապես լսում էի Շոստակովիչ, Մահլեր, Բրահմս, Բեռլիոզ, Ռախմանինով: Նրանք բոլորը տարբեր են, բայց բոլորը ինձ մոտ նույն պոետիկ հրճվանքն են առաջացնում: Եվ ահա, մի օր նրանց ազդեցությունը ժայթքեց, երբ ՛՛Ադապտացիա՛՛ ֆիլմը զարդարեցի Արամ Խաչատրյանի Սուսերով Պարը ստեղծագործությամբ: Առանց երաժշտության չեմ պատկերացնում, առհասարակ իմ ապագա ֆիլմերից ոչ մեկը:
Նոր Կինոշրջագայութուն?

- Արդեն պլանավորել եմ այն երկրների ցանկը, որտեղ պետք է ներկայացնեմ ֆիլմերը: Այս տարի այնքան շատ են հրավերները, որ պետք է բարդ ընտրություն կատարեմ, քանի որ շատ հաճախ համընկնում են փառատոների օրերը:
Առաջիկայում ֆիլմս կներկայացնեմ Գերմանիայում, Մոլդովայում, Ռուսաստանում, Վրաստանում, և ԱՄՆ-ում: Անակնկալ հրավերները միշտ ինձ հանդիպում են և չեմ կարող կանխատեսել անգամ երկրների անունները, որոնք ինձ հրավիրում են մասնակցելու փառատոների:


Ինչի մասին է լինելու հաջորդ ֆիլմը?
- Երիտասարդության, կյանք մտնող անհատի հոգեբանության ու երազանքների մասին:
Մամուլի խոսնակ` Մշակույթ ԱրմԼուր
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Մշակույթ ԱրմԼուր
22:54, 14.11.2018
22:52, 14.11.2018
22:46, 11.09.2018
22:24, 11.09.2018
դեպի վեր