USD 402.56, EUR 440.64, RUB 4.58, GBP 505.01
+15 °C, +13 °C ... +24 °C Վաղը`+27 °C
+15 °C, +13 °C ... +24 °C Վաղը`+27 °C
Հրապարակման հետքերով ոստիկանապետն անձամբ զանգել է լրագրողին, այսօր էլ նա սպառնալիքներ է ստացել
14:45, 20.03.2019
3480 | 0
«Politik.am» կայքի խմբագիր Բորիս Մուրազին մի քանի օր առաջ կայքում հրապարակման հետքերով անմիջապես ոստիկանապետ Վալերի Օսիպյանի կողմից հեռախոսազանգ է ստացել, այսօր էլ նրա պնդմամբ, ոստիկանության «ֆեյք» օգտատերերը սպառնում են իրեն ու իր ընտանիքի անդամներին։ «Մի քանի օր առաջ Նարեկ Սարգսյանի (գտնվում է հետախուզման մեջ) և Վալերի Օսիպյանի մասին հոդված էինք հրապարակել։ Դրանից հետո ոստիկանությունը փորձում է տարբեր պաշտոնյաների, նույնիսկ բարձրաստիճան պաշտոնյաների և նաև քրեական հեղինակությունների միջոցով նյութը կայքից հանել տալ», - Aysor.am-ի հետ զրույցում ասաց Մուրազին։ Հրապարակումը կայքից չի հեռացվում, սակայն ոստիկանությունում, փաստից անհանգիստ, հրապարակման օրը կեսգիշերին, Մուրազիի փոխանցմամբ, ոստիկանապետ Օսիպյանն է անձամբ զանգահարում իրեն։ «Ես իրեն բացատրում եմ, որ ինքն իրավունք չունի կեսգիշերին զանգահարել ինձ, անձամբ քննարկել մամուլի հետ կապված հարցեր։ Ինձանից հետաքրքրվում էր՝ ո՞վ է այդ հրապարակումն արել, ո՞վ է դրա պատվիրատուն։ Խնդրեց՝ չխանգարել իրենց աշխատել։ Ես իրեն ասացի, որ իրեն հեղինակազրկում է այս վարքը», – ներկայացրեց Մուրազին։ Այդուհանդերձ, զրույցի ընթացքում, խմբագրի խոսքով, Օսիպյանը չի հերքել այն, որ իր հորդորով որոշ անձինք զանգահարել ու խնդրել են հեռացնել հրապաարկումը։ Ոստիկանության կողմից միջնորդավորված հարձակումը, ըստ լրատվամիջոցի ներկայացուցչի, շարունակվել է նաև այսօր, երբ գրվել է Օսիպյանի հնարավոր պաշտոնանկության մասին։ «Ոստիկանության ֆեյքերը գրում են՝ ուշադիր ընտանիքիդ, կնոջդ համար, իրանց հետ ժամանակ անցկացրու, քեզ քիչ մնաց, հրապարակում են կնոջս ու երեխայիս նկարները։ Այդ ֆեյքերը սպասարկում են ոստիկանությանը, նրանց էջերում միայն ոստիկանապետի մասին տեղեկություններ են։ Եթե ոստիկանապետը իրեն թույլ է տալիս գիշերը զանգահարել լրատվամիջոցի ներկայացուցչին, ապա նա ֆեյք էլ կարող է ունենալ ու նրանց հրահանգել գործել ուղղորդված։ Այս քայլը մարդկային սահմաններից դուրս է, ես չեմ անցել երբեք այդ սահմանները և նրա ընտանիքի մասին ոչինչ չեմ գրել։ Սա շատ վատ տեղ տանող ճանապարհ է», – նշեց Բորիս Մուրազին։ |
Հեղինակ` Խաղաղության աղավնի
Նյութը հրապարակվել է Մամուլի խոսնակի շրջանակներում:
Կիսվի՛ր այս նյութով՝
Խաղաղության աղավնի
17:42, 10.04.2019
3092 | 0
10:35, 03.04.2019
6693 | 0
14:45, 20.03.2019
3481 | 0
09:31, 20.03.2019
2920 | 0
12:16, 13.03.2019
3413 | 0
10:08, 18.01.2019
3801 | 0
10:41, 16.01.2019
3687 | 0
18:46, 08.01.2019
4562 | 0
Մամուլի խոսնակում հրապարակված բոլոր նյութերը ենթակա են ազատ հրապարակման և կարգավորվում են գրանցման պայմանագրով:
Այլ կայքերից նյութերի արտատպումը թույլատրվում է միայն այն դեպքում, եթե չի հակասում աղբյուրի օգտագործման պայմաններին:
Գովազդների բովանդակության համար կայքը պատասխանատվություն չի կրում: