Mamul.am
Ամբողջական տարբերակ
USD 478.40, EUR 539.06, RUB 7.43, GBP 605.13
+30 °C, +19 °C ... +31 °C Վաղը`+32 °C
Hay / Հայ | Рус | Eng | Tür
Վատ նշան
20:44, 21.03.2019


Մայրը տեսավ որ դուստրը շատ երկար նայում է հեռախոսի էկրանին ու հասկացավ, որ նայածը կինոնկար չէ:

Թե ի՞նչպես հասկացավ, ինքն էլ չիմացավ:

- Ի՞նչ ես նայում այդքան ուշադիր:

- Իմ ու Արամի նկարն է, մտածում եմ գցել էկրանիս:

- Հարսանիքից առաջ վատ նշան է, - մայրն անհանգիստ շարժվեց տեղում:

Անհանգիստ բառը այստեղ տեղին չի, քանի որ այդ ե՞րբ է մայրը հանգիստ եղել:

- Ի՞նչ նշան, մամ ջան, այս ո՞ր թիվն է, մոռացե՞լ ես, 2016 թիվն է դրսում, ընդամենը սնահավատություն, ի՞նչ պետք է լինի որ…

- Ամեն դեպքում վա՛տ նշան է, վեճ կարող է լինել, իրարից նեղանալ, դե՜ նման բաներ, որ կխանգարեն հարսանիքին:

- Ես թույլ չե՛մ տա ինձ հետ վիճի, ո՛չ էլ առիթ կտամ:

- Ով վիճում է նրան թույլտվություն հարկավոր չէ:

Դուստրը իր վարակիչ ծիծաղով սպանեց սենյակի լարված մթնոլորտը:


Եղավ հարսանիք իր բոլոր ավանդական ծեսերով, բազմաթի՜վ նկարներ հարսի շորերով, բայց դստերը այն նկարն էր դուր գալիս, որ մինչ հարսանիքը նկարվել էին Արամի հետ՝ Արամը զինվորական համազգեստով ինքը սպիտա՜կ - բաց կապույտ փոքրիկ ծաղիկներով շրջազգեստով:

Հենց ա՛յդ նկարն էլ դուստրը մեծացնել տվեց ու կախեց հետուստացույցի վերևում:

Հետո հեռուստացույցով ասացին, որ պատերազմ է…

հետո ճշտեցին որ …քառօրյա՜…

հետո չգիտես ի՞նչու նկարից անհայտացավ Արամի պատկերը կամ չանհայտացավ ուղղակի չգիտես ինչու չէ՛ր երևում:


Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Ստեփան Ումառ-Հարությունյան
դեպի վեր