Արտահայտությունը վերաբերել է վերքերը բուժելու հին եղանակին (հնում վերքը բուժելու համար դանակի շեղբը կրակով շիկացրել են ու դրանով մշակել այն, որպեսզի վարակ չներթափանցի): Ահա դրանից էլ ծնունդ է առել հին հույն բժիշկ Հիպոկրատեսի հետևյալ ասույթը. «Ինչը չի բուժում դեղը, ինչը չի կարող բուժել երկաթը, բուժվում է կրակով»: Ավելի ուշ ժամանակներում (մ.թ.ա. առաջին դար) հռոմեացի բանաստեղծները «հրով ու սրով» արտահայտությանը տվեցին «թշնամուն հրով ու սրով ոչնչացնել» իմաստը: |