Բոլորդ էլ լսել եք Նոյի մասին, բոլորդ հպարտանում եք, որ հրեաների հորինած այդ հարբեցողի տապանը, իբր, մեր սուրբ Մասիսի գագաթին է հանգրվանել: Իսկ գիտե՞ք, որ այդ ժամանակվա ամբողջ մարդկությունից փրկության արժանացած այս միակ «արդարը» հարբեցողի մեկն է եղել: «Եվ Նոյի տապանից դուրս եկած որդիքն էին՝ Սէմը, Քամը եւ Յաբէթը, եւ Քամը Քանանի հայրն էր։ Այս երեքը Նոյի որդիքն են. Եվ սրանցից բնակեցվեց ամբողջ երկիրը։ Եվ գինուց խմեց և արբեց, և իր վրանի մեջ մերկացավ։ Եվ Քանանի հայրը՝ Քամը, տեսավ իր հոր մերկությունը և իր երկու եղբայրներին դրսում պատմեց։ Եվ Սեմը և Յաբեթը հանդերձը վերցրին, իրենց երկուսի ուսերի վրա դրին ու ետ- ետ գնացին իրենց հոր մերկությունը ծածկեցին. Եվ իրենց երեսները դեպի ետ էր և իրանց հոր մերկությունը չտեսան։ Եվ Նոյը, սթափվելով գինովությունից, իմացավ, թե ինչ է արել իր նկատմամբ իր կրտսեր որդին: Եվ ասաց. Անիծյալ լինի Քանանը, ծառաների ծառա լինի նա իր եղբայրներին։ Նաև ասաց. Օրհնեալ լինի Եհովան՝ Սեմի Աստվածը, և Քանանը նրան ծառա լինի։ Աստված ընդարձակի Յաբեթին, և նա Սեմի վրաններում բնակվի, և Քանանը ծառա լինի նրան» (Ծննդոց 9, 20 - 28) ։ Փառահեղ է: Աստված փոխանակ պատժի այս հարբեցողին, որ վրանում մերկացել է, թույլ է տալիս, որ նա նզովի ու դատապարտի իր կրտսեր որդուն, որը պատահականորեն տեսել է հոր մերկությունն ու այդ մասին տեղեկացրել ավագ եղբայրներին: Բա ո՞ւր մնաց այդ աստծու արդարությունը: Ստացվում է, որ հարբած ծնողին մերկ վիճակում տեսած զավակը նզովյալ է, իսկ հայրը՝ արդար: Նկարում՝ «Հարբած Նոյը», հեղինակ՝ Բելլինի: |