Mamul.am
Ամբողջական տարբերակ
USD 476.18, EUR 534.18, RUB 7.56, GBP 593.70
+25 °C, +24 °C ... +37 °C Վաղը`+36 °C
Hay / Հայ | Рус | Eng | Tür
«Մի՞թե Հռոմում կա առավել թանկ բան, քան նրա զավակների քաջությունը»
22:09, 24.05.2019

Դարեր շարունակ հին Հռոմը պատերազմներ է մղել, նվաճել ու հնազանդեցրել է բազում ազգերի: «Նրանք տիրում էին և՛ ծովերին, և՛ ցամաքներին, բայց նրանք դարձյալ չէին բավարարվում», - հռոմեացիների մասին ասել է հին պատմագիրներից մեկը:

Հին հռոմեացիների պատմությունը հեղեղված է արյունալի պատերազմներով, ժողովուրդների կոտորածներով, բայց այդ պատմությունն առատ է նաև մեծագործություններով, խիզախությամբ ու հաստատակամությամբ: Այս պետությունում շատ բարձր է գնահատվել հռոմեացու արժանապատվությունը: «Վիրտուս» (արիություն, խիզախություն) բառը հռոմեացու համար սրբազան է եղել և նշանակել է խիզախություն ոչ միայն մարտի դաշտում, այլև հայրենիքին անմնացորդ ծառայություն, մարդկային բարձր առաքինություն:

Առասպելը պատմում է, թե մի անգամ Հռոմի հրապարակում գետինը ճաքում է, ու խորը անդունդ է գոյանում: Սենատը կարգադրում է, որ յուրաքանչյուր քաղաքացի մեկ բոռ հող գցի, որպեսզի խորխորատը լցվի: Բայց այն չի լցվում, և այդժամ քրմերն հայտարարում են՝ խորխորատը լցնելու համար պետք է այնտեղ նետել Հռոմի համար ամենաթանկարժեքը: Ժողովուրդն հավաքվում է ու սկսում քննարկել, թե որն է քաղաքի համար ամենաթանկարժեքը: Մոտենում է Մարկոս Կուրցիոս անունով մի երիտասարդ ռազմիկ՝ ձի հեծած ու հարցնում է. «Ինչո՞ւ եք անիմաստ վիճում: Մի՞թե Հռոմում կա առավել թանկ բան, քան նրա զավակների քաջությունը»: Այս ասելուց հետո նա ձիու հետ նետվում է անդունդը, և այն անմիջապես փակվում է:

Մամուլի խոսնակ` Համլետ Մելիքյան
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Համլետ Մելիքյան
դեպի վեր