Շուրջ 21 տարի շարունակ Հանրապետության տարբեր բեմահարթակներից ծափահարել են Աբովյանի ՙՆազենիկ՚ և ՙԺպիտ՚ ժամանակակից և հայկական ժողովրդական պարերի ստուդիայի սաներին: Այսօր Աբովյանի դրամատիկական թատրոնում տեղի ունեցավ ստուդիայի սաների հաշվետու համերգը: Բեմում շուրջ 150 հայկական տարազներով պարուհիներ ու պարողներ հիացրին իրենց հեզաճկուն ու խրոխտ պարերով, աչքի ընկան իրենց կատարողական բարձր արվեստով: Թատրոնի շենքի կամարների ներքո հնչում է հայկական բարձրարվեստ երաժշտություն: Ինչպես նշեց ստուդիայի գեղարվեստական ղեկավար Աիդա Մկրտչյանը, սաների մեջ սերմանվում է հայկականություն, հայեցի դաստիարակություն, ձևավորվում է բարձր ճաշակ: Դահլիճը բարձր ծափահարություններով վարձահատույց եղավ փոքրիկ սաներին: |