ԱՄՆ Թենեսի նահանգի Չատանուգա օդանավակայանը սկսել է աշխատել բացառապես արևային էներգիայով: Այդ մասին գրել է "Big think"-ը։ Օդանավակայանը էներգիայով ապահովելու համար կառուցվել է շուրջ 2, 74 մեգավատ հզորությամբ հատուկ արևային ֆերմա։ Այն զբաղեցնում է մոտ 16 ֆուտբոլային դաշտերին հավասար տարածք։ Համակարգը արտադրում է բավարար էլեկտրաէներգիա մոտ 160 000 լամպ լուսավորելու համար: Այս էներգիան կուտակվում է մարտկոցների մեջ, ինչը թույլ է տալիս էլեկտրաէներգիա արտադրել նույնիսկ առանց մշտական արևի լույսի առկայության: «Մենք հպարտ ենք, որ վերականգնվող էներգիայի օգտագործման օրինակ ենք ծառայում մեր տարածաշրջանում այլ օդանավակայանների և ձեռնարկությունների համար», – ասել է Չատանուգա օդանավակայանի նախագահ և գլխավոր տնօրեն Թերի Հարթը: Չատտանուգան միակ օդանավակայանը չէ, որն աշխատում է բացառապես արևային էներգիայով. 2015-ին առաջինը հնդկական Կոչին օդանավակայանն է, որն արտադրում է 29, 5 մեգավատ արևային էներգիա՝ տարեկան 10 մլն ուղևորների սպասարկման համար: Իսկ Գալապագոսյան կղզիներում Սեյմուր օդանավակայանը սնվում է քամուց և արևային էներգիայից ։ Focus-ը գրում է, որ գիտնականներն առաջարկել են մետրոյի թունելները վերածել հսկայական "օդորակիչների", որոնք կարող են ջեռուցում և զովացում ապահովել մոտակա հազարավոր տների համար: Ամերիկյան քիմիական ընկերության հետազոտողները էներգիայի նոր "կանաչ" աղբյուր են հորինել ՝ ցիանոբակտերիաներով պատված սունկ։ |