Անդրեաս առաքյալը համարվել է Շոտլանդիայի հովանավոր սուրբը: Նա նաև համարվում է Ռուսիայի առաջին մկրտիչը: Անդրեասի խաչը եղել է կայսերական Ռուսաստանի ռազմածովային նավատորմի խորհրդանիշը: Կապը ծովի հետ պայմանավորված է այս առաքյալի մասնագիտությամբ. նա ձկնորս է եղել: Այդ իսկ պատճառով Անդրեասի (ինչպես Պետրոսի) ատրիբուտն է դարձել ձուկը: Սպիտակ խորապատկերին անդրեասյան կապույտ խաչից բացի լայն տարածում է ունեցել նաև կապույտ մակերեսին արծաթագույն կամ ոսկեգույն անդրեասյան խաչը: