Mamul.am
Ամբողջական տարբերակ
USD 483.91, EUR 533.66, RUB 6.83, GBP 597.53
+16 °C, +16 °C ... +28 °C Վաղը`+28 °C
Hay / Հայ | Рус | Eng | Tür
Նայելով քո դիմանկարին
11:43, 05.03.2020


Երգելով Լուսին

Նկարում եմ Արև

(Արև-արարիչ)

Եվ թվում է քեզ՝ աչքերիս լույսին,

Իմ թախծոտ մեղեդին

Մի խելագար ճիչ…


Ես լալիս եմ անձրև՜,

Հառաչում եմ երա՜զ,

Տիեզերքը կարծես վախից սարսափած,

Պատրանքներից ձուլում է մշուշային պատանք…

Ճակատագիրս է հարվածում իրեն՝

…մատնում պարտության,


Գագաթներդ կոր նման են երգի,

Կարող եմ երգել,

Բայց պոկել ավա՜ղ

Ի՞նչ պետք է դնի պոետը վերքին

Որ իր կարոտից ազատվի արագ:


… Լույս եմ տեսնում հեռվում

(միկրոլույսի մի շող)

Շողը ծնում է ստվեր՝

Ստվեր քո տեսքով,

… եվ պատասխան չունես,

… եվ ասելիք չկա,

… եվ ստվերդ գրկած կսլանամ հեռու,

Քո չիմացած հեռվից

Կնկարեմ աչքեր,

Կնկարեմ աստղեր՝

Կարմի՜ր, կապո՜ւյտ, ճերմա՜կ,


Խոսում եմ իմ լեզվով՝

…Սերս սկիզբ չունի,

որ վերջ ունենա,

… լույս ծնող ստվերդ -

Բավական է մի

Պոետի համար:


Ս.Ումառ-Հարությունյան

Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Ստեփան Ումառ-Հարությունյան
դեպի վեր