Mamul.am
Ամբողջական տարբերակ
USD 483.02, EUR 536.78, RUB 6.92, GBP 598.37
+21 °C, +16 °C ... +28 °C Վաղը`+27 °C
Hay / Հայ | Рус | Eng | Tür
Ալեն Սիմոնյանը՝ Արցախի նախագահի երդմնակալությանը հաջորդած հավաքույթից հայտնի դարձած լուսանկարի մասին
17:36, 22.05.2020

ԱԺ փոխնախագահ Ալեն Սիմոնյանը Ֆեյսբուքի ուղիղ եթերում անդրադարձավ երեկ Արցախի Հանրապետությունում նորընտիր նախագահ Արայիկ Հարությունյանի երդմնակալության արարողությունից հետո սեղանի շուրջ արված լուսանկարին, որը համացանցում լայն քննարկումների առիթ է դարձել:

«Շատ է քննարկվում սոցիալական հեռավորությունը, դիմակների հարցը, ինչպես նաև այն կոչերը, որ մենք անում ենք: Հիմա մարդիկ ասում են, որ մենք կոչերով ենք հանդես գալիս, բայց մենք՝ ինքներս, դրան չենք հետևում: Կարող եմ ասել, որ մենք գտնվում ենք Արցախի Հանրապետությունում, որտեղ կա այլ իրավական ռեժիմ, իրավիճակի կտրուկ տարբերություն կա», - նշեց Սիմոնյանը:

ԱԺ փոխխոսնակը շեշտեց, որ շրջանառվող լուսանկարը արված է բաց տարածքում, Արցախի Հանրապետությունում գործող կանոններին և օրենքներին համապատասխան:

«Նման խիստ սահմանփակումներ, որոնք կան Հայաստանի Հանրապետությունում, Արցախի Հանրապետությունում, բարեբախտաբար, չկան: Այնուամենայնիվ, հասկանալի են զայրույթն ու հարցերը, որոնք առաջանում են: Պետք է հաշվի առնել, որ այս իրավիճակում ամեն մի բառ, լուսանկար ու արտահայտություն շահարկումների առիթ է հանդիսանում: Նույնիսկ բաց տարածքում շնորհավորելիս պետք էր դա հաշվի առնել», - նշեց Սիմոնյանը՝ հորդորելով հետևել կանոններին, պահպանել դրանք ու օրինակ ծառայել մյուսների համար, կրել դիմակները և թույլ չտալ, որ իրավիճակն էլ ավելի վատանա մեր երկրում:

Մամուլի խոսնակ` Եղիշ Մարուքյան
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Եղիշ Մարուքյան
10:32, 20.05.2020
դեպի վեր