Սիցիլիա կղզու Սիրակուզա քաղաքի երբեմնի բռնակալ Գելոնը (կառավարել է մ.թ.ա. 485 – 478 թթ.) կարողացել է հաջողությամբ պատերազմել Կարթագենի դեմ և տիրել գրեթե ամբողջ Սիցիլիային: Սկսելով պատերազմը կարթագենացիների դեմ ու բազում մարդկանց գերելով՝ նա այդ գերիներից ընտրել է ամենատկարներին՝ հիմնականում բանակին սպասարկողներից: Ընտրել է հատկապես թխամորթներին և սևամորթներին ու կարգադրել է, որ նրանց մերկ վիճակում անցկացնեն զորքի առջևով, որպեսզի իր զինվորների մեջ համոզմունք ներարկվի, թե այդ թշնամիներն ընդամենը արհամարհանքի են արժանի: |