Ըստ բիրմայական առասպելի՝ 932 թվականին մի երկրագործ սպանել է Բիրմայի Թեյնկո թագավորին: Արքայասպանության պատճառը եղել է ընդամենը մի քանի վարունգի գողությունը: Հնարավոր խռովություններից խույս տալու համար թագուհին արքայասպանին թաքցրել է պալատում, ապա հռչակել է թագավոր՝ Նյոնգ Ու Սաուրահան անունով: Հետագայում Բիրմայի այս նոր միապետին «Վարունգ արքա» և «Երկրագործ արքա» մականուններն են տրվել: Նրանից հետո Բիրմայի գահ բարձրացած բոլոր թագավորներն իրենց հռչակել են «Վարունգ արքա» -ի հետնորդ: |