Mamul.am
Ամբողջական տարբերակ Մամուլի խոսնակ
USD 519.19, EUR 629.57, RUB 7.08, GBP 711.08
-4 °C, -8 °C ... -1 °C Վաղը`-1 °C
Hay / Հայ | Рус | Eng | Tür
«Ժլատությունը կործանեց (կկործանի) ֆրայերին»
21:47, 21.11.2020

Այս թևավոր արտահայտությունը գործածվում է այն մարդու վերաբերմամբ, որը ժլատություն է դրսևորել ու այդ ժլատության համար հատուցել է: Այդ ասույթը ծնունդ է առել քրեական միջավայրում: «Ֆրայեր» -ը քրեական եզրույթ է, որը մատնանշում է քրեական աշխարհի հետ առնչություն չունեցող մարդու, որը հանցագործի պոտենցիալ զոհ է: Օրինակ՝ ասվում է. «Մեզ այս ֆրայերիկը պետք է»:

«Ֆրայեր» են անվանում նաև այն տհաճ մարդուն, որն իրեն պատշաճորեն չի դրսևորում: Օրինակ. «Այս ֆրայերը նույնիսկ չբարեհաճեց զանգել ինձ, թեպետ նախորդ շաբաթ էր խոստացել պարտքը վերադարձնել»:

«Ֆրայեր» եզրույթը ծագել է գերմաներեն «freier» ՝ «փեսացու» եզրույթից, որն առաջներում նշանակել է «ազապ տղա»:

Հիշյալ ասույթը վերաբերում է այն իրավիճակներին, երբ ֆրայերը, հայտնվելով բանտում ու չիմանալով բանտային օրենքները, ժլատություն է դրսևորում ու մյուս բանտարկյալների հետ չկիսվելով, պատժվում է:

Մամուլի խոսնակ` Համլետ Մելիքյան
Տեղեկացնում ենք, որ նյութը հրապարակվել է "Մամուլի խոսնակ" նախագծի շրջանակներում:
Տեղեկացրե՛ք Ձեր մտերիմներին
| |
Համլետ Մելիքյան
դեպի վեր