«Նվիրենք արևի ջերմությունը երեխաներին» միջոցառման ամբողջ ընթացքում կազմակերպվեցին տարբեր տարիքային խմբերի երեխաների համար նախատեսված խաղեր ու շոուներ՝ Սլայմ շոու, Ավազի և Գիպսի շոու, Պորոլոն շոու, Պանտամիմա, Պաղպաղակի և Պղպջակների շոու, Քիմիական շոուներ և պարեր։ SOLARA ընկերությունը պատրաստել էր նաև բազմաթիվ անակնկալներ ու նվերներ բոլոր փոքրիկների համար։ Խաղերում ակտիվ մասնակցություն ցուցաբերած երեխաները ստացան հավաստագրեր և նվերներ։ Բացի այդ, SOLARA-ն իրականացրեց նաև Էլեկտրական ինքնագնացի, արևային ուսապարկի և արևային մարտկոցների խաղարկություն։ Մասնակից բազմաթիվ երեխաներից 4-ը երջանիկ պատահականությամբ դարձան խաղարկության հաղթողներ։ Իսկ գլխավոր մցանակի՝ էլեկտրական ինքնագնացի հաղթող ճանաչվեց Մարիանա Մինասյանը։ Միջոցառման կազմակերպչական մասը իրականացրեց մեր գործընկեր 111 Event Solutions-ը։ Շնորհակալ ենք բոլոր մասնակիցներին SOLARA-ին միանալու և հունիսի 1-ը տոն դարձնելու համար։ Թող բոլոր փոքրիկները ունենան խաղաղ և անհոգ մանկություն՝ լի ջերմությամբ ու ժպիտներով։ |