USD 402.56, EUR 440.64, RUB 4.58, GBP 505.01
0 °C, 0 °C ... 0 °C Tomorrow:0 °C
0 °C, 0 °C ... 0 °C Tomorrow:0 °C
Հռոմի վերջին (յոթերորդ) թագավորը՝ Լուսիուս Տարքվինիուս Հպարտը: Որդու հանցանքի պատճառով հայրը զրկվել է գահից (3)
14:18, 17.10.2024
400 | 0
Թագավորի բռնակալությունը և որդիների չարաշահումները նրա դեմ են հանել հասարակության բոլոր շերտերին։ Սեքստուս Տարքվինիուսի կողմից առաքինի գեղեցկուհի Լուկրեսիայի բռնաբարությունը վերջին կաթիլն է եղել, որը լցրել է մարդկանց համբերության բաժակը: Ինչպես գրել է Տիտոս Լիվիուսը, Սեքստուս Տարկվինիուսը գերվել է Լուկրեսիայի գեղեցկությամբ և, սպառնալով նրան զենքով, բռնաբարել նրան։ Լուկրեցիան ամեն ինչ պատմել է ամուսնուն և դանակահարել է իրեն նրա աչքի առաջ։ Այս իրադարձությունը դրդել է Լուսիուս Յունիուս Բրուտոսին ապստամբության սկսել, և այդ ապստամբությունը հանգեցրել է Հռոմում թագավորական իշխանության տապալմանը և հանրապետության ստեղծմանը: Լուկրեսիայի հարազատները՝ Լուսիուս Յունիուս Բրուտուսը և Պուբլիուս Վալերիուս Պուբլիկոլան, Լուկրեսիայի անշունչ մարմինը բերել են ֆորում և համոզեցել են քաղաքացիներին, որ թագավորը վտարվի և հաստատվի հանրապետական իշխանություն: Տարկվինիուս Հպարտին թույլ չեն տվել, որ մտնի Հռոմ, և նա ու իր երեք կրտսեր որդիները ստիպված են եղել ապաստան փնտրել Էտրուրիայում, իսկ բռնաբարություն կատարած ավագ որդին՝ Սեքստուս Տարկվինիուսը, սպանվել է Գաբիայում տեղի ունեցած ապստամբության ժամանակ։ Արտաքսված Լուսիուս Տարկվինիուսը փորձել է ստանալ էտրուսկյան և լատինական թագավորների աջակցությունը՝ վախեցնելով նրանց, թե Հռոմը ցանկանում է հանրապետական իշխանությունը տարածել ամբողջ Լատիումում։ Էտրուսկյան արքա Լարս Պորսենան, որի աջակցության հետ մեծ հույսեր է կապած եղել Լուսիուս Տարկվինիուսը, չնայած հռոմեացիների նկատմամբ տարած հաղթանակներին, ստիպված է եղել հաշտության պայմանագիր կնքել նորաստեղծ հանրապետության հետ։ Լուսիուս Տարկվինիուսը կարողացել է լատիններին դրդել Հռոմի դեմ, սակայն մ.թ.ա. 496թվականին Ռեգիլուս լճի մոտ տեղի ունեցած ճակատամարտում դաշնակցային բանակը պարտություն է կրել հռոմեացիներից։ Տարկվինիուսի բոլոր որդիները զոհվել են այդ ճակատամարտում։ Երբեմնի բռնակալ թագավորը ստիպված է եղել փախչել հունական Կումա գաղութ՝ Արիստոդեմոս թագավորի մոտ, որտեղ էլ մահացել է մ.թ.ա. 495 թվականին։ |
Author: Համլետ Մելիքյան
The article published in the Spokesperson project.
Share with friends
Համլետ Մելիքյան
18:40, 29.11.2024
542 | 0
19:13, 28.11.2024
550 | 0
22:25, 20.11.2024
556 | 0
22:34, 16.11.2024
717 | 0
Subscribe to the news feed
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.