USD 402.56, EUR 440.64, RUB 4.58, GBP 505.01
0 °C, 0 °C ... 0 °C Tomorrow:0 °C
0 °C, 0 °C ... 0 °C Tomorrow:0 °C
Հայրենիքի դավաճանը գլխատվել է, բայց գլխատման պատճառն ամենևին էլ դավաճանությունը չի եղել
22:34, 16.11.2024
877 | 0
1667 թվականի նոյեմբերի 16-ին Ստոկհոլմում մահապատժի է ենթարկվել ժամանակի ռուս հայտնի դիվանագետ, գրող և լրտես Գրիգորի Կոտոշիխինը։ Ծագումով մանր ազնվականների ընտանիքից՝ Կոտոշիխինը Պոսոլսկի պրիկազում ծառայել է որպես գործավար։ 1661 թվականին նրան կաշառել է (ինչպես հիմա կասեին՝ «հավաքագրել է», ինչպես հիմա կասեին) շվեդ դիվանագետ Ադոլֆ Էբերսը, և նա սկսել է իր նոր տերերին տեղեկացնել ռուսական կառավարության «գաղտնի մտադրությունների և գործերի մասին» ։ Երեք տարի անց Կոտոշիխինի դավաճանությունը բացահայտվել է։ Փրկվելով անխուսափելի պատժից՝ «տիրակալինդավաճանածը» փախել է Լիտվա, այնտեղից տեղափոխվել է Նարվա։ Շվեդները նրան քաղաքական ապաստան են տվել ու հանձնարարել մանրամասն աշխատություն գրել Ռուսաստանի, նրա պետական ու սոցիալական կառուցվածքի մասին։ Եվ նա հրատարակել է «Ալեքսեյ Միխայլովիչի գահակալության ժամանակաշրջանի Ռուսաստանի մասին» գիրքը. այն Արևմուտքի համար դարձել է ռուսական կյանքի իրական հանրագիտարան: Չնայած Մոսկվայի պահանջներին, Ստոկհոլմն ամենևին էլ մտադիր չի եղել Կոտոշիխինին արտահանձնել։ Սակայն նա կործանվել է իր իսկ մեղքով: 1667 թվականի օգոստոսին, հարբած վիճաբանության ժամանակ, Կոտոշիխինը դանակահարել է ոմն Դանիիլ Անաստասիուսի, որն անհիմն մեղադրել է ռուս դիվանագետին (ինչպես պարզել է հետաքննությունը) գողության և տան կառավարչի երիտասարդ կնոջը գայթակղելու փորձի մեջ: Առաջին իսկ հարցաքննության ժամանակ Կոտոշիխինը ընդունել է իր մեղքը: Բանտում գտնվելու ժամանակ նա երկու անգամ ինքնասպանության փորձ է կատարել։ Դատարանի վճռով՝ մարդասպանը գլխատվել է։ Կոտոշիխինի մարմինը տեղափոխել են Ուփսալա քաղաքի համալսարանի անատոմիական թատրոն, որտեղ մինչև վերջերս պահվել էր մետաղալարերով հավաքված նրա կմախքը։ Նկարում՝ Կոտոշիխինի ստեղծագործության ձեռագիր էջը: |
Author: Համլետ Մելիքյան
The article published in the Spokesperson project.
Share with friends
Համլետ Մելիքյան
12:02, 10.01.2025
1366 | 0
11:12, 08.01.2025
447 | 0
10:19, 02.01.2025
1351 | 0
Subscribe to the news feed
All the posts published in "Spokesperson" are subject to free publishing and are regulated by the registration contract.
Copying posts from other websites is permitted only in the case when it does not contradict with conditions of usage of the source.
The website is not responsible for the content of advertisements.