Երևանի Խրիմյան Հայրիկի անվան հ.10 հիմնական դպրոցում փետրվարին տեղի ունեցան մայրենիին նվիրված մի շարք միջոցառումներ: Դպրոցի 8-րդ և 9-րդ դասարանների աշակերտների հետ մայրենիին նվիրված դասը վարեց ԵՊՀ դասախոս, գրականության ամբիոնի վարիչ, բանասիրական գիտությունների դոկտոր, պրոֆեսոր, ՀՀ գիտությունների վաստակավոր գործիչ Սամվել Պարգևի Մուրադյանը: Դպրոցի դահլիճում տեղի ունեցավ «Անաղարտ պահենք մեր մայրենին» խորագրով միջոցառում 6-րդ, 8-րդ և 9-րդ դասարանների աշակերտների մասնակցությամբ (միջոցառման ղեկավար՝ հ.լ և գրականության ուսոցչուհի՝ Ռ.Հ.Փափազյան) Գիրք նվիրելու տոնին նախապատրաստվել էր ամբողջ դպրոցը: 1. Տարրական դասարանների աշակերտները գրքեր նվիրեցին միմյանց: 2. Դպրոցի գրադարանում տեղի ունեցավ միջոցառում՝ մասնակցությամբ 5-9 - րդ դասարանների աշակերտական խորհրդի անդամների: Նրանք ներկայացրին աֆորիզմներ գրքի մասին, նշեցին, թե հայ մարդու համար ինչ արժեք ու նշանակություն ունի գիրքը, հնչեցին Հովհաննես Թումանյանի իմաստուն քառյակները, ավանդույթի համաձայն, միջոցառման վերջում, գրքեր նվիրեցին դպրոցի գրադարանին և ներկաներին: |